ശങ്കർ രാമകൃഷ്ണൻ സംവിധാനം ചെയ്ത പതിനെട്ടാം പടി എന്ന മമ്മൂട്ടി ചിത്രത്തിലൂടെ മലയാള സിനിമയിലേക്ക് അരങ്ങേറിയ നടനാണ് അക്ഷയ് രാധാകൃഷ്ണൻ. സോഷ്യൽ മീഡിയയിൽ വളരെ സജീവമാണ് നടൻ. പൊതുകാര്യങ്ങളിൽ ഇടപെടുകയും സ്വന്തം അഭിപ്രായം തുറന്ന് പറയാൻ മടിയില്ലാത്തതുമായ താരമാണ് അക്ഷയ് രാധാകൃഷ്ണൻ.
കഴിഞ്ഞ ദിവസം നടൻ ഒരു ചിത്രം പങ്കുവെച്ചിരുന്നു. തൻ്റെ പുതിയ പ്രൊജക്ടിൻ്റെ പോസ്റ്ററായിരുന്നു താരം ഇൻസ്റ്റാ അകൗണ്ടിലൂടെ പങ്കുവെച്ചത്. ‘ഫേഡിങ് ഷെയ്ഡ്സ്’ എന്ന് പേരിട്ടിരിക്കുന്ന കവിതാ വീഡിയോയുടെ പോസ്റ്ററാണ് താരം പങ്കുവെച്ചിരിക്കുന്നത്.
പൂർണ്ണ നഗ്നനായ ലുക്കിൽ പോസ് നൽകുന്ന നടൻ്റെ ചിത്രമായിരുന്നു പോസ്റ്ററിലുണ്ടായിരുന്നത്. ഒരു കാവ്യ വീഡിയോയ്ക്ക് വേണ്ടിയാണ് ഈ ചിത്രം പകർത്തിയിരിക്കുന്നത്.
ജെൻഡർ പൊളിറ്റിക്സ് സംസാരിക്കുന്ന കാവ്യ വീഡിയോ ആണ് ഇതെന്നാണ് വിവരം. നിരവധി പേർ നടനെ പ്രശംസിച്ച് രംഗത്തെത്തിയപ്പോൾ വിമർശിച്ചും ചിലർ എത്തിയിരുന്നു.
ഇപ്പോഴിതാ വിമർശനങ്ങൾക്ക് മറുപടിയെന്നോണം പുത്തൻ പോസ്റ്റുമായി രംഗത്ത് വന്നിരിക്കുകയാണ് അക്ഷയ്. വാരണാസിയിലെ നഗ്നസന്യാസിക്കൂട്ടത്തിൻ്റെ ചിത്രമാണ് നടൻ പങ്കുവെച്ചത്.
‘ചില്ലു മേടയിലിരുന്നെന്നെ കല്ലെറിയല്ലേ’ എന്ന് കുറിച്ചു കൊണ്ടായിരുന്നു പോസ്റ്റ്. നടൻ്റെ പുതിയ പോസ്റ്റും വൈറലായി മാറിയിരിക്കുകയാണ്.
about insta post