മലയാളി മിനിസ്‌ക്രീനിലൂടെ ശ്രദ്ധ നേടിയ അവതാരകരാണ് നിഖിലും രമ്യയും. അവതരണം മാത്രമല്ല മികച്ചൊരു ഗായകന്‍ കൂടിയാണ് താനെന്നും നിഖില്‍ തെളിയിച്ചിരുന്നു. സിംഗ് ആന്‍ഡ് വിന്‍ എന്ന പഴയ പരിപാടിയിലൂടെയായിരുന്നു നിഖിലും നിമ്മിയും പ്രേക്ഷകര്‍ക്ക് പ്രിയപ്പെട്ട പാട്ടുകാരായി മാറിയത്.
നിമ്മിയാണ് തന്റെ ഭാര്യയെന്നാണ് പലരും കരുതുന്നതെന്നും മുന്‍പ് നിഖില്‍ പറഞ്ഞിരുന്നു. തങ്ങളുടെ പ്രണയത്തെക്കുറിച്ചും വിവാഹ ജീവിതത്തെക്കുറിച്ചും പറഞ്ഞുള്ള ഇവരുടെ വീഡിയോ വൈറലായിക്കൊണ്ടിരിക്കുകയാണിപ്പോള്‍. താരദമ്പതിമാരുടെ സംസ്ഥാന സമ്മേളനത്തിലായിരുന്നു ഇരുവരും വിശേഷങ്ങള്‍ പങ്കുവെച്ചത്.
“എപ്പോഴും ചിരിച്ച മുഖത്തോടെ കാണുന്നയാളാണ് രമ്യ. കല്യാണത്തോടെ എന്റെ ചിരി തീര്‍ന്നെന്നായിരുന്നു നിഖിലിന്റെ കമന്റ്. കല്യാണവും കോമഡിയായിരുന്നോയെന്നായിരുന്നു പ്രജോദ് ചോദിച്ചത്. പൊതുവെ ചിരിച്ച് കളിക്കാനിഷ്ടപ്പെടുന്നയാളാണ് ഞാനെന്നായിരുന്നു രമ്യ പറഞ്ഞത്.
എല്ലാകാര്യത്തിനെക്കുറിച്ചും അറിവുണ്ട്, ഭയങ്കര ബുദ്ധിജീവിയാണ്, ജീവിതത്തെ പക്വതയോടെ സമീപിക്കുന്നയാളാണ്. നമുക്ക് ചിരിക്കാനുള്ള കാര്യങ്ങള്‍ അവളായിട്ട് തന്നെ വരുത്തിവെക്കാറുണ്ടെന്നുമായിരുന്നു നിഖില്‍ പറഞ്ഞത്.
ഞാന്‍ പരിചയപ്പെടുന്ന സമയത്ത് നിഖിലേട്ടന്‍ ഇത്ര കോമഡിയും കൗണ്ടറുമൊന്നും പറയാറുണ്ടായിരുന്നില്ല. പഠിച്ച് വെച്ചിട്ട് കൃത്യസമയത്ത് അത് എടുത്തിടും. കഴിഞ്ഞ ദിവസം എന്റെ അച്ഛന്റെ മുന്നില്‍ പോലും കൗണ്ടര്‍ പറയുന്നുണ്ടായിരുന്നു എന്നാണ് രമ്യ നിഖിലിനെക്കുറിച്ച് പറഞ്ഞത്. പാട്ടും അവതരണവുമൊക്കെയായി നിഖില്‍ വീണ്ടും മിനിസ്ക്രീനിലേക്ക് എത്തിയിട്ടുണ്ട്.
വിവാഹത്തോടെ ബ്രേക്കെടുത്തിരുന്നുവെങ്കിലും രമ്യയും തിരികെയെത്തിയിട്ടുണ്ട്. അവതാരകയായിരുന്ന സമയത്ത് അഭിനയിക്കാനുള്ള അവസരങ്ങള്‍ പലപ്പോഴും ഉണ്ടായിട്ടുണ്ട് എന്നും താരം പറയുന്നുണ്ട്. തിരികെ എത്തിയപ്പോഴും അഭിനയിക്കുന്നോ എന്ന് പലരും ചോദിച്ചിരുന്നു. അഭിനയിക്കുന്നതിലൊന്നും എനിക്ക് കുഴപ്പമില്ല, അവതാരകയായാലും അഭിനേത്രിയായാലും എനിക്ക് കുഴപ്പമില്ല, അപ്‌ഡേറ്റായാല്‍ മതിയെന്നാണ് തന്റെ നിലപാടെന്ന് നിഖില്‍ മുന്‍പ് പറഞ്ഞിരുന്നു.
അപ്രതീക്ഷിത പ്രതിസന്ധികളെ നേരിട്ടതിനെക്കുറിച്ചും മുന്‍പ് രമ്യ പറഞ്ഞിരുന്നു. നിഖിലിന്റെ അച്ഛന് വയ്യാതായപ്പോള്‍ പെട്ടെന്ന് ഉചിതമായ തീരുമാനമെടുക്കാന്‍ കഴിഞ്ഞിരുന്നു. അമൃതയില്‍ എത്താന്‍ പറ്റില്ലെന്ന് തോന്നിയതോടെയാണ് അടുത്തുള്ള ആശുപത്രിയിലേക്ക് പോയത്. അങ്ങനെ അച്ഛനെ രക്ഷിക്കാന്‍ കഴിഞ്ഞുവെന്നും രമ്യ പറഞ്ഞിരുന്നു. പൊതുവെ നല്ല ബോള്‍ഡാണ് രമ്യ. അങ്ങനെയാണ് അവള്‍ വളര്‍ന്നത്. അടുത്ത സുഹൃത്തുക്കളായി മാറിയതിന് ശേഷമാണ് പ്രണയത്തിലേക്കും വിവാഹത്തിലേക്കും കടന്നതെന്നും ഇരുവരും പറഞ്ഞിരുന്നു.
ramya