മലയാള സിനിമാലോകം ഒന്നടങ്കം എത്തിയ വിവാഹമായിരുന്നു നടി ഭാമയുടേത്. 2020 ജനവരി 20 നായിരുന്നു ഭാമയും അരുണും വിവാഹിതരാകുന്നത്. ഇപ്പോൾ ഇതാ വിവാഹ വാർഷിക ദിനത്തിൽ ഹൃദയസ്പർശിയായ പോസ്റ്റ് പങ്ക് വെച്ചാണ് ഭാമ എത്തിയത്. അരുണിനോടൊപ്പമുള്ള ചിത്രം പങ്കുവെച്ച് കൊണ്ടായിരുന്നു തന്റെ പുതിയ ജീവിതത്തെ കുറിച്ച് നടി കുറിച്ചത്. ആരാധകർക്കായി ഇരുവരുടേയും പുതിയ ചിത്രവും നടി ഇൻസ്റ്റഗ്രാമിൽ പങ്കുവെച്ചിട്ടുണ്ട്.
ഭാമയ്ക്ക് ആശംസയുമായി ആരാധകരും സുഹൃത്തുക്കളും രംഗത്തെത്തിയിട്ടണ്ട്. നടിയും ബിഗ് ബോസ് താരവുമായ വീണ നായർ ഭാമയ്ക്കും അരുണിനും ആശംസയുമായി എത്തിയിട്ടുണ്ട്. ഇൻസ്റ്റഗ്രാം സ്റ്റോറിയായി താരദമ്പതികളുടെ ചിത്രം പങ്കുവെച്ച് കൊണ്ടാണ് ആശംസ അറിയിച്ചിരിക്കുന്നത്. പ്രിയപ്പെട്ടവർക്ക് വിവാഹവാർഷിക ആശസകൾ എന്ന് കുറിച്ചു കൊണ്ടാണ് ചിത്രം പങ്കുവെച്ചിരിക്കുന്നത്. വീണയുടെ ആശംസ ഇതിനോടകം വൈറലായിട്ടുണ്ട്.
2007 ല ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെ വെള്ളിത്തിരയിൽ എത്തിയ താരമാണ് ഭാമ . ആദ്യ ചിത്രത്തിലൂടെ തന്നെ പ്രേക്ഷകരുടെ ഇടയിൽ ശ്രദ്ധിക്കപ്പെട്ടിരുന്നു. മലയാളത്തിൽ മാത്രമല്ല അന്യ ഭാഷ ചിത്രങ്ങളിലു നടി സജീവമായിരുന്നു.