ജയസൂര്യ നായകനായി എത്തിയ വെള്ളം എന്ന ചിത്രത്തിലെ ആകാശമായവളേ എന്നുതുടങ്ങുന്ന ഗാനത്തെ മലയാളികള് ഹൃദയം കൊണ്ടാണ് സ്വീകരിച്ചത്. ഇപ്പോഴും മലയാളികള് മൂളി നടക്കുന്ന ഈ ഗാനത്തെ കുറിച്ചുള്ള പുതിയ വിശേഷമാണ് വൈറലായി മാറുന്നത്.
ഈ ഗാനം കടല് കടന്ന് ജര്മ്മനിയിലുമെത്തിയിരിക്കുകയാണ്. ബിജിബാല് സംഗീത സംവിധാനം നിര്വഹിച്ച് ഷഹബാസ് അമന് പാടിയ ഈ ഗാനം ജര്മ്മന് സിങ്ങറായ കാസ്മേയാണ് ആലപിക്കുന്നത്.
ആകാശമായവളേ എന്ന ഗാനം പാടുന്ന വിഡിയോ ഇപ്പോള് സമൂഹമാധ്യമങ്ങളില് വൈറലാണ്. യുട്യൂബിലൂടെ കേട്ടാണ് കാസ്മേ ഈ മലയാളഗാനം പഠിച്ചത്.
കാസ്മേ പാടുന്ന വിഡിയോ കാണാനിടയായ ചില മലയാളികളാണ് വെള്ളം എന്ന ചിത്രത്തിന്റെ സംവിധായകനായ പ്രജേഷ് സെന്നിനോട് ഇക്കാര്യം പറഞ്ഞത്. അങ്ങനെയാണ് പ്രജേഷ് സെന് ഫെയ്സ്ബുക്കില് ഈ വിഡിയോ പങ്കുവെച്ചത്.