നിരവധി ചിത്രങ്ങളിലൂടെ മലയാളി പ്രേക്ഷകരെ ചിരിപ്പിച്ചും ചിന്തിപ്പിച്ചും കരയിച്ചും പ്രേക്ഷകരുടെ മനസില്‍ ഇടം നേടിയ താരമാണ് സുരാജ് വെഞ്ഞാറമ്മൂട്. ഹാസ്യ നടനായി എത്തി പിന്നീട് മികച്ച നടനുള്ള ദേശീയ പുരസ്‌കാരവും സംസ്ഥാന പുരസ്‌കാരവും വരെ സ്വന്തമാക്കിയ അദ്ദേഹം ഇന്ന് മലയാള സിനിമയിലെ സ്ഥിരസാന്നിധ്യമാണ്. ഹാസ്യ താരമായും സ്വഭാവനടനായും നടനായും പ്രേക്ഷകരെ ഒരു പോലെ പിടിച്ചിരുത്തുവാനും പ്രേക്ഷക പ്രതി സ്വന്തമാക്കുവാനും സുരാജ് വെഞ്ഞാറമ്മൂട് എന്ന നടന് സാധിച്ചു.
ഇപ്പോഴിതാ സംവിധാനത്തോടുള്ള തന്റെ താല്പര്യം തുറന്നുപറയുകയാണ് താരം. ‘എനിക്ക് സിനിമ സംവിധാനം ചെയ്യാനുള്ള പ്രായം ആയിട്ടില്ല. പൃഥ്വിരാജും ഫഹദ് ഫാസിലുമൊക്കെ ശ്രദ്ധിക്കേണ്ടത് എനിക്ക് അതിനുള്ള പ്രായം ആയിട്ടില്ല.
അതിനുള്ള സമയം ആകുമ്‌ബോള്‍ നൂറ് ശതമാനം ഞാന്‍ സിനിമ സംവിധാനം ചെയ്യും. ഇതുവരെ എനിക്ക് അങ്ങനെ ഒരാ?ഗ്രഹം വന്നിട്ടില്ല. എപ്പോഴെങ്കിലും ഒരുപക്ഷേ സംഭവിക്കും”, എന്നാണ് സുരാജ് പറഞ്ഞത്. ഹെവന്‍ എന്ന ചിത്രത്തിന്റെ പ്രൊമോഷന്റെ ഭാഗമായി നടന്ന അഭിമുഖത്തില്‍ ആണ് അദ്ദേഹം ഇക്കാര്യം പറഞ്ഞത്. ഹെവന്‍ നാളെയാണ് റിലീസ് ചെയ്യുന്നത്. പോലീസ് ആയിട്ടാണ് അദ്ദേഹം എത്തുന്നത്.