അവതാരകയായും നടിയായും മലയാള മിനിസ്‌ക്രീന്‍ പ്രേക്ഷകര്‍ക്ക് സുപരിചിതയാണ് അശ്വതി ശ്രീകാന്ത്. അവതാരകയായാണ് തുടക്കമെങ്കിലും ‘ചക്കപ്പഴം’ എന്ന പരമ്പരയിലൂടെയാണ് അശ്വതി ആരാധകരെ സമ്പാദിക്കുന്നത്. മികച്ച നടിക്കുള്ള ടെലിവിഷന്‍ പുരസ്‌കാരവും അശ്വതിയെ തേടിയെത്തിയിരുന്നു.
സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. തന്റെ രണ്ടാമത്തെ കുഞ്ഞിന്റെ ജനനത്തിന് പിന്നാലെയാണ് അശ്വതി ചക്കപ്പഴത്തില്‍ നിന്നും പിന്മാറിയത്. പിന്നാലെ ആരാധകര്‍ എപ്പോഴാണ് തിരിച്ചെത്തുന്നത് എന്ന ചോദ്യവുമായി എ്താറുണ്ടായിരുന്നു.
എന്നാല്‍ ഇപ്പോഴിതാ ആരാധകരുടെ നിരന്തര ചോദ്യത്തിന് ഉത്തരം നല്‍കിയിരിക്കുകയാണ് അശ്വതി. ‘ചക്കപ്പഴ’ത്തില്‍ ഇനി ‘ആശ’യായി ഉണ്ടാകില്ലെന്നാണ് താരം അറിയിച്ചിരിക്കുന്നത്.
ഈ ഫ്രെയിമില്‍ നിന്ന് പുറത്തുപോകുമ്പോള്‍, ഒരു കുടുംബമെന്ന നിലയിലുള്ള ഞങ്ങളുടെ അവസാന സന്തോഷകരമായ ഫ്രെയിമായിരിക്കും ഇതെന്ന് ഞാന്‍ ഒരിക്കലും അറിഞ്ഞിരുന്നില്ല!, അതെ, അവസാനത്തെ സമയം ഞങ്ങള്‍ ഒരിക്കലും അറിഞ്ഞിരുന്നില്ല, അതിനെയാണ് ജീവിതം എന്ന് വിളിക്കുന്നത്…
‘ആശ’യായി എന്റെ തിരിച്ചുവരവിനെ കുറിച്ച് ചോദിക്കുന്ന നിരന്തരമുള്ള ചോദ്യങ്ങള്‍ക്ക് നന്ദി, എനിക്ക് ഒരിക്കലും നിങ്ങള്‍ക്ക് ഉത്തരം തരാന്‍ കഴിയാത്തതില്‍ സങ്കടമുണ്ട്. ഫ്‌ലവേഴ്‌സ് ടിവിക്കും ഞങ്ങളുടെ മിടുക്കനായ സംവിധായകന്‍ ഉണ്ണികൃഷ്ണ സാറിനും എന്റെ സൂപ്പര്‍ പ്രതിഭകളായ സഹതാരങ്ങള്‍ക്കും നന്ദി. എല്ലാ സ്‌നേഹത്തിനും പിന്തുണയ്ക്കും എന്റെ പ്രിയപ്പെട്ട പ്രേക്ഷകരായ നിങ്ങളോരോരുത്തര്‍ക്കും നന്ദി… അപ്പോ, ഞാന്‍ ഇനി ‘ആശ’യാകില്ല, അശ്വതി മാത്രം…