ബാലിക ദിനത്തില്‍ ‘എന്റെ മകള്‍ എന്റെ അഭിമാനം’ എന്ന കുറിപ്പോടെയാണ് കെ.സുരേന്ദ്രന്‍ മകളുമൊത്തുള്ള ചിത്രം ഫെയ്‌സ്ബുക്കില്‍ പങ്കുവെച്ചത്. ഇതിന് പിന്നാലെ സുരേന്ദ്രന്റെ മകളെ അധിക്ഷേപിച്ച് മോശം പരാമര്‍ശവുമായി അജിനാസ് എന്നയാള്‍ ചിത്രത്തിന് കമന്റിടുകയായിരുന്നു. ഇതിനെതിരെ വന്‍ രോക്ഷമാണ്സോ ഷ്യൽ മീഡിയയിലടക്കം ഉയരുന്നത്. ഇപ്പോള്‍ സംഭവത്തില്‍ പ്രതികരണവുമായി രംഗത്ത് എത്തിയിരിക്കുകയാണ് ആക്ടിവിസ്റ്റും ബിഗ്‌ബോസ് താരവുമായ ദിയ സന.
ഒരിക്കലും സുരേന്ദ്രന്റെ നിലപാടിനോടും വ്യക്തിയോടും യോജിക്കാന്‍ കഴിയില്ല.. ഇയാളുടെ ഫോട്ടോ ഒന്ന് ട്രോളാന്‍ പോലും എന്റെ വാളില്‍ ഉപയോഗിക്കാനും ഇഷ്ടമല്ല.. പക്ഷെ ഇവിടെ ഇന്നിതിട്ടത് ഈ അച്ഛന്റെയും മകളുടെയും ഫോട്ടോക് താഴെവന്ന കമന്റിനെതിരെയാണ്… ഒരിക്കലും ഒരു പെണ്‍കുട്ടികള്‍ക്കു നേരെയും നടക്കുന്ന സൈബര്‍ അക്രമങ്ങള്‍ക് കൂട്ടുനില്‍ക്കാന്‍ സാധിക്കില്ല.-ദിയ സന ഫേസ്ബുക്കില്‍ കുറിച്ചു.
ദിയ സനയുടെ കുറിപ്പ്
സംഘപരിവാറിന്റെ ഒരുപാട് തെറിവിളികള്‍ കേട്ടിട്ടുണ്ട്. എന്റെ മകനെ ചേര്‍ത്തുവരെ എന്നെപ്പറ്റി മോശം പറഞ്ഞ ആളിനെതിരെ പ്രതികരിച്ചിട്ടുണ്ട്.. ഒരിക്കലും സുരേന്ദ്രന്റെ നിലപാടിനോടും വ്യക്തിയോടും യോജിക്കാന്‍ കഴിയില്ല.. ഇയാളുടെ ഫോട്ടോ ഒന്ന് ട്രോളാന്‍ പോലും എന്റെ വാളില്‍ ഉപയോഗിക്കാനും ഇഷ്ടമല്ല.. പക്ഷെ ഇവിടെ ഇന്നിതിട്ടത് ഈ അച്ഛന്റെയും മകളുടെയും ഫോട്ടോക് താഴെവന്ന കമന്റിനെതിരെയാണ്… ഒരിക്കലും ഒരു പെണ്‍കുട്ടികള്‍ക്കു നേരെയും നടക്കുന്ന സൈബര്‍ അക്രമങ്ങള്‍ക് കൂട്ടുനില്‍ക്കാന്‍ സാധിക്കില്ല.. മാനവികത എന്നെ പഠിപ്പിച്ചത് ഇതാണ്..
മുഹമ്മദ് മാനു എന്ന ഫേസ്ബുക്ക് അക്കൗണ്ടിൽ നിന്നായിരുന്നു അശ്ലീല കമൻ്റ് പ്രത്യക്ഷപ്പെട്ടത്. ഇതിനെതിരെ പ്രതിഷേധവുമായി പലരും കമൻ്റ് ബോക്സിൽ തന്നെ രംഗത്തെത്തിയിരുന്നു. വ്യാപകമായി എതിര്‍പ്പുയര്‍ന്നതിനു പിന്നാലെ ഇയാള്‍ കമൻ്റ് നീക്കിയിരുന്നു. അതിനിടെ പ്രവാസിയായ അജിനാസ് ഖത്തറില്‍ കസ്റ്റഡിയില്‍ ആണെന്ന വിവരവുമുണ്ട്.
സുരേന്ദ്രന്‍ പങ്കുവെച്ച ചിത്രം ആയിരത്തിലധികം ആളുകള്‍ ഷെയര്‍ ചെയ്യുകയും 8000-ത്തില്‍ അധികം ആളുകള്‍ കമന്റ് ചെയ്യുകയും ചെയ്തിട്ടുണ്ട്.