19ാം നൂറ്റാണ്ട്’ സിനിമയുടെ സോംഗ് കമ്പോസിങ് ആരംഭിച്ചതായി സംവിധായകന്‍ വിനയന്‍. ചിത്രത്തില്‍ തെന്നിന്ത്യയിലെ പ്രമുഖ താരങ്ങള്‍ അണിനിരക്കുന്ന ബിഗ് ബജറ്റ് ചിത്രം സെപ്തംബര്‍ അവസാനം ഷൂട്ടിംഗ് ആരംഭിക്കുകയുള്ളുവെന്ന് വിനയന്‍ ഫെയ്‌സ്ബുക്കില്‍ കുറിച്ചു.
വിനയന്റെ കുറിപ്പ്:
’19-ാം നൂറ്റാണ്ട്’ എന്ന എന്റെ പുതിയ ചിത്രത്തിന്റെ സോംഗ് കംപോസിംഗ് ഇന്ന് ആരംഭിച്ചു. ‘ശ്രീ ഗോകുലം മൂവീസി’നു വേണ്ടി ശ്രീ ഗോകുലം ഗോപാലന്‍ നിര്‍മ്മിക്കുന്ന ഈ ചിത്രത്തില്‍ മലയാളത്തിലേയും ദക്ഷിണേന്ത്യയിലേയും പ്രമുഖതാരങ്ങള്‍ അണി നിരക്കും. ചിത്രത്തിന്റെ ഷൂട്ടിംഗ് സെപ്തംബര്‍ അവസാനമേ ഉണ്ടാകു. അപ്പോഴത്തേക്കും കോവിഡിന്റെ തീവ്രത കുറയുമെന്നു നമുക്കു പ്രതീക്ഷിക്കാം..
കോവിഡെന്ന മഹാമാരി ജീവിതമെല്ലാം തകര്‍ത്തു ഇനി ഒരു ഉയര്‍ത്തെഴുന്നേല്‍പ്പു സാദ്ധ്യമല്ല.. സിനിമയ്ക് പ്രത്യേകിച്ചും.. എന്നൊക്കെ നിരാശപ്പെടുന്ന ചില സുഹൃത്തുക്കള്‍ നമുക്കിടയിലുണ്ട്.. ഒന്നോര്‍ക്കുക ഇതിലും വലിയ പ്രതിസന്ധികളെ അതിജീവിച്ചവരാണു ലോക ജനത.. ഇതും നമ്മള്‍ അതിജീവിക്കും.. ജീവിതവും, കലയും, സംസ്‌കാരവും എല്ലാം നമ്മള്‍ തിരിച്ചു പിടിക്കും.. നമുക്കു പോസിറ്റീവ് ആയി ചിന്തിക്കാം.. പൊരുതി മുന്നേറാം.