ഇതിനകം തിയറ്ററുകളിൽ തരംഗമായിതീര്‍ന്ന ലൂസിഫര്‍ സിനിമയുടെ തമിഴ് വേര്‍ഷന്‍ ഇറക്കുന്നതിനെക്കുറിച്ച്‌ പൃഥ്വിരാജ് ഫേസ്ബുക്കിലൂടെ പ്രഖ്യാപിച്ചിരിക്കുകയാണ്.
തമിഴ്‌നാട്ടില്‍ നിന്നും ഹൈയസ്റ്റ് ഗ്രോസിങ്ങ് മൂവി എന്ന റെക്കോര്‍ഡ് നേടിയാണ് ലൂസിഫര്‍ കുതിച്ചത്. ചരിത്രം തന്നെ തിരുത്തിക്കുറിച്ചുള്ള കുതിപ്പിലായിരുന്നു സിനിമ ഇതിനകം നേട്ടങ്ങള്‍ കൊയ്തത്. ലോകമാസകലം 21 ദിവസം കൊണ്ട് ഗ്രോസ് കളക്ഷൻ 150 കോടി നേടി കഴിഞ്ഞു.
ഗംഭീരനേട്ടം സ്വന്തമാക്കിയതിന് പിന്നാലെയായാണ് സിനിമയുടെ തമിഴ് ഡബ്ബ് വേര്‍ഷനുമായി തങ്ങളെത്തുമെന്ന് വ്യക്തമാക്കിയിരിക്കുകയാണ് പൃഥ്വി. മെയ് 3നാണ് തമിഴ് വേര്‍ഷന്‍ എത്തുന്നതെന്നും പൃഥ്വി അറിയിച്ചിരിക്കുകയാണ്. എട്ട് ദിവസം കൊണ്ട് ചിത്രം 100 കോടി നേട്ടം സ്വന്തമാക്കിയിരുന്നു.
പൃഥ്വിരാജ്-മോഹൻലാൽ-മുരളിഗോപി കൂട്ടുകെട്ടിലൊരുങ്ങിയ ആദ്യത്തെ ചിത്രമായ ലൂസിഫര്‍ ഇതിനകം മലയാള സിനിമാലോകത്ത് റെക്കോര്‍ഡ് നേട്ടം നേടിയിരിക്കുകയുമാണ്.
Lusifer tamil release on may 3rd……