മലയാളി പ്രേക്ഷകരുടെ എക്കാലത്തേയും പ്രിയപ്പെട്ട താരദമ്പതികളാണ് വാണി വിശ്വനാഥും ബാബു രാജും. നായകനു നായികയും ജീവിതത്തിലും ഒന്നാകാറുണ്ട്. എന്നാൽ ആക്ഷൻ നായികയും വില്ലനും ഒന്നാകുന്നത് വളരെ അപൂർവ്വമായി മാത്രമാണ്. 2002 ൽ ആയിരുന്നു ബാബു രാജിന്റേയും വാണിവിശ്വനാഥിന്റേയും വിവാഹം. ഇന്നും ഇവരുടെ പ്രണയകല സിനിമ കോളങ്ങിൽ സജീവമാണ്. വിവാഹത്തെ തുടർന്ന് വാണി സിനിമയിൽ നിന്ന് ഇടവേള എടുക്കുകയായിരുന്നു. വില്ലൻ വേഷങ്ങളിൽ മാത്രം തിളങ്ങി നിന്നിരുന്ന ബാബുരാജിന്റെ അഭിനയ ജീവിതത്തിന്റെ വേറിട്ട തലം തന്നെ അദ്ദേഹം ഈ കഴിഞ്ഞ കുറച്ചു വര്ഷങ്ങളായി പ്രേക്ഷകർക്ക് മുന്നിൽ എത്തിക്കുന്നുണ്ട്.
വിവാഹശേഷം അഭിനയത്തിൽ നിന്നെല്ലാം മാറി കുടുംബവും കുട്ടികളും എന്ന ലോകത്തേക്ക് വാണി വിശ്വനാഥ്‌ എന്ന ആക്ഷൻ ഹീറോയിൻ ഒതുങ്ങിയപ്പോഴും പ്രേക്ഷക മനസുകളിൽ വാണി എന്നും ആക്ഷൻ രംഗങ്ങളുടെ പകരം വയ്ക്കാൻ ഇല്ലാത്ത റാണി തന്നെ ആയിരുന്നു. പതിവിൽ നിന്നും വ്യത്യസ്തമായ ഒരു കഥാപാത്രമായി ഒരു മിനിസ്‌ക്രീൻ പരമ്പരയിലൂടെ വാണി അഭിനയത്തിലേക്ക് ഒരു മടങ്ങി വരവ് നടത്തിയിരുന്നു. ഇരു കയ്യും നീട്ടിയാണ് പ്രേക്ഷകർ വാണിയുടെ മടങ്ങി വരവിനെ സ്വീകരിച്ചത്. സോഷ്യൽ മീഡിയയിൽ ബാബുരാജ് സജീവമാണെങ്കിലും വാണി അത്ര സജീവമായ ആളല്ല. ബാബുരാജ് പങ്കുവയ്ക്കുന്ന ചിത്രങ്ങളിലോ വീഡിയോകളിലോ മാത്രമാണ് ആരാധകർക്ക് വാണിയെയും മക്കളെയും കാണാൻ കഴിയുന്നത്.
ഇപ്പോഴിതാ 80 കളിലെയും 90 കളിലെയും തിരക്കുള്ള നായികമാരിൽ ഒരാൾ ആയിരുന്ന ഉഷ നാസർ അമൃത ടീവിയിലെ ഒരു ഷോയ്ക്ക് ഇടയിൽ ബാബുരാജും വാണിയും പ്രണയത്തിൽ ആയത് എങ്ങിനെ എന്ന് തുറന്നു പറഞ്ഞിരിക്കുന്ന വീഡിയോ സമൂഹ മാധ്യമങ്ങളിൽ വൈറൽ ആവുകയാണ്.”ഗ്യാങ്ങ് എന്ന സിനിമയുടെ ഷൂട്ടിന്റെ ഇടയിലാണ് ഇവർ തമ്മിൽ പരിചയപ്പെടുന്നതും പ്രേമത്തിൽ ആവുന്നതും.വാണിയുടെ കൂടെ എപ്പോഴും ഉണ്ടായിരുന്ന ഒരാൾ ഞാൻ ആയിരുന്നു. അതിനിടയിലാണ് എനിക്ക് മലപ്പുറത്തു ഒരു സീരിയലിന്റെ ഷൂട്ടിങ് കൂടി ഉണ്ടായിരുന്നത്.
ഞാൻ ആ ഷൂട്ടിന് പോയ സമയത്ത് എപ്പോഴോ ലൈറ്റ് എന്തോ വീണു വാണിയുടെ കാൽ മുറിഞ്ഞു. അങ്ങനെ ഹീറോയെ പോലെ ബാബു വാണിയെ പൊക്കിയെടുത്തു ഹോസ്പിറ്റലിൽ കൊണ്ട് പോയി അഡ്മിറ്റ് ചെയ്തു. ഒരു അഞ്ചു ദിവസം വാണിയെ എനിക്ക് ഫോണിൽ ഒന്നും വിളിച്ചിട്ട് കിട്ടുന്നുണ്ടായിരുന്നില്ല. ആ അഞ്ചു ദിവസത്തിലാണ് ഇവർ തമ്മിൽ പ്രേമത്തിൽ ആവുന്നത്” – ഉഷ പറയുന്നു.
ഈ വീഡിയോയ്ക്ക് താഴെ മോശമായ കമന്റുകളും നല്ല കമന്റുകളും ആരാധകർ പങ്കുവയ്ക്കുന്നുണ്ട്. ഒരു പെണ്ണിന്റെ പാര മറ്റൊരു പെണ്ണുതന്നെ എന്നും ആ അഞ്ച് ദിവസം കൊണ്ട് മറ്റൊരു കുടുംബത്തെ വഴിയാധാരമാക്കി ഭാര്യയും രണ്ടു മക്കളും ഔട്ട് ആയി എന്നും സോഷ്യൽ മീഡിയ പറയുന്നു. കൂടാതെ നടി ഉഷയോടുള്ള സ്നേഹവും ആരാധകർ വീഡിയോയ്ക്ക് താഴെ പങ്കുവയ്ക്കുന്നുണ്ട്. 2002 ൽ ആണ് നടി വാണി വിശ്വനാഥും ആയുള്ള ബാബുരാജിന്റെ വിവാഹം നടക്കുന്നത്. ആർച്ച, അദ്രി എന്നീ പേരുകൾ ഉള്ള രണ്ടു കുട്ടികളും ഇവർക്കുണ്ട്. ആദ്യ വിവാഹത്തിൽ ബാബുരാജിന് അഭയ്, അക്ഷയ് എന്നിങ്ങനെ രണ്ട് ആൺമക്കൾ ഉണ്ട്. ഈ അടുത്തിടെ ആയിരുന്നു അദ്ദേഹത്തിന്റെ മകൻ അഭയ് വിവാഹം ചെയ്തത്. ചടങ്ങിൽ ആദ്യ ഭാര്യയ്ക്കും മക്കൾക്കും ഒപ്പം നിൽക്കുന്ന ബാബുരാജിന്റെ ചിത്രങ്ങൾ എല്ലാം സോഷ്യൽ മീഡിയയിൽ വൈറൽ ആയിരുന്നു.