രോഹിത്തിന്റെ ഓർമ്മ നഷ്ടപ്പെടുമോ സുമിത്ര രണ്ടും കല്പിച്ച്

ശ്രീനിലയത്തില്‍ അച്ചാച്ഛനും പൂജയും ഇരുന്ന് അവര്‍ എവിടെ എത്തിക്കാണും എന്നൊക്കെ സംസാരിക്കുകയായിരുന്നു. അടുത്തിരിയ്ക്കുന്ന സരസ്വതി അതിനെല്ലാം ഓരോ കൊനഷ്ട് പറയുന്നുണ്ട്. എവിടെ എത്തി എന്ന് അറിയാന്‍ പൂജ സുമിത്രയുടെ ഫോണിലേക്ക് വിളിച്ചപ്പോള്‍ എടുക്കുന്നത് സര്‍ക്കിള്‍ ഇന്‍സ്‌പെക്ടറാണ്. രോഹിത്തിനും സുമിത്രയ്ക്കും അപകടം സംഭവിച്ചു എന്നും, രോഹിത്തിന്റെ കാര്യത്തില്‍ ഇപ്പോള്‍ ഒന്നും പറയാന്‍ സാധിയ്ക്കില്ല എന്നും പൊലീസ് പറയുന്നു. വാര്‍ത്ത കേട്ടതും ശിവദാസനും പൂജയും കരച്ചിലായി. പ്രതീഷിനെ വിളിച്ച് എത്രയും പെട്ടന്ന് അവിടെ എത്തേണ്ട കാര്യങ്ങള്‍ ചെയ്യാന്‍ തിരക്ക് പിടിയ്ക്കുന്നു.