ശ്രീനിലയത്ത് പുതിയ പ്രശ്നം സുമിത്ര പെരുവഴിയിലേക്ക് ;ട്വിസ്റ്റുമായി കുടുംബവിളക്ക്

പ്രേക്ഷകരുടെ പ്രിയ പരമ്പരയാണ് കുടുംബവിളക്ക്. ശിഥിലമാകുന്ന കുടുംബബന്ധങ്ങളുടെ കഥയാണ് പരമ്പര പ്രധാനമായും പങ്കുവെക്കുന്നത്. അതോടൊപ്പംതന്നെ സുമിത്ര എന്ന സ്ത്രീയുടെ സംഭവബഹുലമായ കഥയും പരമ്പര പറയുന്നു. ഒരുപക്ഷേ സുമിത്രയുടെ അതിജീവനം തന്നെയാണ് പ്രേക്ഷകരെ സ്‌ക്രീനിലേക്ക് അടുപ്പിക്കുന്ന പ്രധാന കാര്യവും. സുമിത്രയെ വിവാഹം കഴിച്ച സിദ്ധാര്‍ത്ഥ്, അവരെ ഉപേക്ഷിച്ച് വേദിക എന്ന സ്ത്രീയെ വിവാഹം ചെയ്യുന്നു. അതുവരേയ്ക്കും വീടിന് പുറത്തൊരു ലോകമുണ്ടെന്ന് മനസ്സിലാക്കാത്ത സുമിത്ര, ഭര്‍ത്താവിന്റെ വിട്ടുപോകലിനുശേഷം സ്വന്തമായി ഒരു നിലയിലെത്താന്‍ പ്രയത്‌നിക്കുന്നു. സിദ്ധാര്‍ത്ഥിന്റെ അച്ഛന്‍ ശിവദാസന്‍, സുമിത്രയ്‌ക്കൊപ്പം ഉറച്ചുനിന്നതും സുമിത്രയുടെ ജീവിതവിജയത്തിന് പെട്ടന്ന് വഴിയൊരുക്കി.