നടൻ കൊച്ചുപ്രേമന്റെ വിയോഗത്തിൽ നടുക്കം മാറാതെ സിനിമാ സീരിയൽ പ്രേക്ഷകർ. മലയാളികളുടെ പ്രിയപ്പെട്ട സീരിയലാണ് കൂടെവിടെ. സീരിയലിൽ കുറച്ചധികം നാളുകളായി കൊച്ചുപ്രേമൻ ഉണ്ടായിരുന്നു. റാണിയുടെ ഭൂതകാലത്തിലേക്കുള്ള താക്കോലുമായി വന്ന ഭാസിപ്പിള്ള.
ഹൃദയസ്പർശിയായ സംസാരത്തോടെ സീരിയൽ ആരാധകർക്കിടയിൽ കുറഞ്ഞ നാളുകൾ കൊണ്ട് വലിയ സ്ഥാനം നേടിയെടുക്കാൻ കൊച്ചുപ്രേമന് സാധിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ശാരീരിക അസ്വാസ്ഥ്യത്തെ തുടർന്ന് ഉച്ചയോടെ ആശുപത്രിയിൽ പ്രവേശിപ്പിക്കുകയായിരുന്നു. സിനിമയിൽ വരുന്നതിനു മുൻപു നാടകത്തിൽ സജീവമായിരുന്നു. സീരിയലിലും അഭിനയിച്ചിട്ടുണ്ട്. തമാശ റോളുകളിലും ക്യാരക്ടർ റോളുകളിലും കയ്യടി നേടി.
എഴു നിറങ്ങളാണ് കൊച്ചു പ്രേമന്റെ ആദ്യ സിനിമ. നീണ്ട ഇടവേളയ്ക്കുശേഷമാണ് സംവിധായകൻ രാജസേനന്റെ ദില്ലിവാല രാജകുമാരനിൽ അഭിനയിക്കുന്നത്. പിന്നീട് ഇരട്ടക്കുട്ടികളുടെ അച്ഛനിൽ അഭിനയിച്ചു. തുടർന്ന് സിനിമയിൽ ശ്രദ്ധേയമായ നിരവധി വേഷങ്ങൾ അവതരിപ്പിച്ചു. ഇരുന്നൂറിലധികം ചിത്രങ്ങളിൽ അഭിനയിച്ചിട്ടുണ്ട്.
എങ്കിലും അവസാന നാളുകൾ നമ്മുടെ എല്ലാം പ്രിയപ്പെട്ട കൂടെവിടെ സീരിയൽ താരങ്ങൾക്കും നമ്മൾ പ്രേക്ഷകർക്കും ഒപ്പമായിരുന്നു.
ഇപ്പോഴിതാ സീരിയൽ താരങ്ങളുടെ ഓർമ്മ പങ്കുവെയ്ക്കുകയാണ് താരങ്ങൾ….
about koodevide kochupreman