സാഹിത്യ അക്കാദമി അധ്യക്ഷന് കെ സച്ചിദാനന്ദനെതിരെ കവിയും ഗാനരചയിതാവുമായ കൈതപ്രം ദാമോദരന്. അധ്യക്ഷസ്ഥാനത്ത് നിന്ന് സച്ചിദാനന്ദനെ നീക്കാന് സാംസ്കാരിക മന്ത്രി തയ്യാറാകണമെന്ന് അദ്ദേഹം ആവശ്യപ്പെട്ടു. കവിതകളിലൂടെ വര്ഗീയത ഇളക്കിവിടാനാണ് സച്ചിദാനന്ദന് ശ്രമിക്കുന്നതെന്നും അദ്ദേഹം കുറ്റപ്പെടുത്തി.
‘ഇപ്പോള് തമ്പിച്ചേട്ടനെ പരിഹസിച്ചിട്ടുളള ആ സംഭവമില്ലേ അതിന് പരിഹാരം ഞാന് പറയാം. അഞ്ചെട്ടു കൊല്ലം മുമ്പ് സച്ചിദാനന്ദന്റെ ഒരു കവിത ഞാന് കണ്ടു. നീണ്ട ശവപ്പെട്ടിക്ക് പുറത്തേക്ക് നീണ്ടുനില്ക്കുന്ന കാലുകള്. അത് നീലനിറമായത് കൊണ്ട് കൃഷ്ണനാണെന്ന് രാധ തിരിച്ചറിഞ്ഞു.
ഇത്രയും വൃത്തികെട്ട കവിത ഞാന് മുമ്പ് വായിച്ചിട്ടില്ല. ആള്ക്കാരെ എങ്ങനെയും ഇളക്കിയിട്ടും കയ്യും കാലും വെട്ടിക്കാനുള്ള ഒരു പരിപാടിയാണിത്. ഇപ്പോഴത്തെ കേരള ഗാനത്തിന് പരിഹാരം അത് കൊടുത്താല് മതി. അത് കൊടുത്ത് പരിഹരിക്കണമെന്നാണ് ഞാന് പറയുന്നത്.’ എന്നും കൈതപ്രം പറഞ്ഞു.