കവിതകൾക്കും കഥകൾക്കും മാത്രമായി ഇടം നൽകി രൂപീകരിച്ച വാട്സ്ആപ്പ് കൂട്ടായ്മ ‘കവിത കഥ കട്ടൻചായ ‘യുടെ പ്രഥമ നേർക്കാഴ്ച മുൻ വിദ്യാഭ്യാസ വകുപ്പ് ഡയറക്ടറും എഴുത്തുകാരനുമായ കെ. വി. മോഹൻകുമാർ ഐ. എ. എസ് ഉദ്ഘാടനം ചെയ്തു. ചെങ്ങന്നൂർ ഇടക്കടവ്‌ ഇക്കോ ടുറിസത്തിലാണ് ഒരുദിവസം മുഴുവൻ നീണ്ടുനിന്ന സാഹിത്യ സൗഹൃദ സംഗമത്തിന് വേദിയായത്.
കൂട്ടായ്മയുടെ അഡ്മിനും പ്രോഗ്രാം ഡയറക്ടറുമായ രമേശ് എസ് മകയിരം ആമുഖ സംഭാഷണം പറഞ്ഞു.
കൂട്ടം.കോം സ്ഥാപകനും പ്രഭാഷകനുമായ എൻ. എസ്. ജ്യോതികുമാർ മുഖ്യാതിഥി ആയിരുന്നു. പ്രശസ്ത കഥാകൃത്ത് ഐസക് ഈപ്പൻ ലോഗോ പ്രകാശനം നിർവ്വഹിച്ചു.
രാജൻ കൈലാസിന്റെ ‘ഷേഡ് ഓഫ് ദ സിംഗിൾ ലീഫ് ‘ പുസ്‌തകം കെ. വി. മോഹൻകുമാർ എൻ. എസ് ജ്യോതികുമാറിന് നൽകി പ്രകാശനം ചെയ്തു. അജിത് നാരായൺ, വി. രഞ്ജിത് കുമാർ, രാജീവ് ജി ഇടവ, സി. വി. ഹരീന്ദ്രൻ, രഞ്ജിത് മോഹൻ, എം. ജി ബിജുകുമാർ എന്നിവർ കഥയരങ്ങു നടത്തി.
സുരേഷ് മണ്ണാറശാല, ടി. സഞ്ജയ്‌നാഥ്, ഡോ. നിബുലാൽ വെട്ടൂർ, മീര ആലപ്പാട്ട്‌,കെ. എൻ. സുരേഷ് കുമാർ, ഷീജ ഗൗരി, എൻ. കെ. രശ്മി, സി. ജീവൻ, നാസർ ഇബ്രാഹിം, രശ്മി ദേവി, അനിൽ നീണ്ടകര, രാജീവ് പുരുഷോത്തമൻ, രാജൻ മനപ്പള്ളി, ഷൈനി കോശി, ദിജീഷ് രാജ് എന്നിവർ പമ്പയാറിൻ തീരത്ത് കാവ്യോത്സവം നടത്തി.
kadha kavitha kattanchaya inagural function