ക്ഷേമ പെന്ഷന് മുടങ്ങിയതിനെതിരെ പിച്ചച്ചട്ടിയുമായി സര്ക്കാരിനെതിരെ സമരത്തിനിറങ്ങി വാര്ത്തകളില് ഇടംപിടിച്ച വ്യക്തിയാണ് മറിയക്കുട്ടി. ഇപ്പോഴിതാ 2023ലെ യഥാര്ത്ഥ പോരാളി മറിയക്കുട്ടിയാണ് പറയുകയാണ് സംവിധായകനും നടനുമായ ജോയ്മാത്യു.
ജോയ് മാത്യുവിന്റെ വാക്കുകള്,
‘2023 ഒരു യഥാര്ത്ഥ പോരാളിയെ നമുക്ക് കാണിച്ചു തന്നു. റാന് മൂളികളായ അക്കാദമിക് ഫെമിനിസ്റ്റുകളോ സ്ത്രീ വിമോചക സിംഹികളോ കണ്ടില്ലെന്ന് നടിച്ചാലും അധികാരത്തിന്റെ തണലില് മധുരം നുണഞ്ഞ് അകാലവാര്ധക്യം ബാധിച്ച നമ്മുടെ ചെറുപ്പക്കാര്ക്ക് ലജ്ജിക്കാന് മറിയക്കുട്ടിയെന്ന പോരാളി ധാരാളം.
മറിയക്കുട്ടിയുടെ പൊളിറ്റിക്കല് കറക്റ്റ്നെസിക്കുറിച്ച് ബേജാറാവുന്നവരോട്, ഈ പൊളിറ്റിക്സിന് ഈ കറക്ട്നസ് ധാരാളം !
മറിയക്കുട്ടിയുടെ സമരമാര്ഗ്ഗം ഗാന്ധിയനാണോ മാര്ക്സിയനാണോ അതോ മറ്റുവല്ലതുമാണോ എന്ന് തിരക്കുന്നവരോട് ഒന്നേ പറയാനുള്ളൂ മറിയക്കുട്ടിയുടെ വഴി മറിയക്കുട്ടിയുടെ മാത്രം വഴി. ഇത്തരം സര്ഗ്ഗാത്മക സമരമാര്ഗ്ഗങ്ങള് ഇനിമേല് മറിയക്കുട്ടി മോഡല് എന്നറിയപ്പെടും (മനോരോഗികളുടെ കമന്റുകള് വായിച്ച് ബേജാറാവണ്ട, അത് ചികിത്സയില്ലാത്ത രോഗമാണ് )’.