ബിഗ് ബോസ് മലയാളം സീസൺ 6 അവസാനിച്ചെങ്കിലും മത്സരാർത്ഥികളെക്കുറിച്ചുള്ള ചർച്ചകൾ ഇതുവരെയും അവസാനിച്ചിട്ടില്ല. മത്സരത്തിൽ കപ്പ് നേടിയത് ജിന്റോയാണ്. ബോഡി ബില്‍ഡർ എന്ന നിലയില്‍ ബിഗ് ബോസ് മലയാളം സീസണ്‍ 6 ലേക്ക് എത്തിയ മത്സരാർത്ഥിയായിരുന്നു ജിന്റോ.
തുടക്കത്തില്‍ എല്ലാവരാലും വിമർശിക്കപ്പെട്ട താരം എങ്ങനെയാണ് ഗ്രാന്‍ഡ് ഫിനാലെയില്‍ കപ്പ് അടിച്ചതെന്ന് എല്ലാവരും കണ്ടതാണ്. പലതരത്തിലുള്ള നെഗറ്റീവുകള്‍ ഉണ്ടെങ്കിലും ആളുകള്‍ക്ക് കൂടുതല്‍ ഇഷ്ടമായത് ജിന്റോയെന്ന മത്സരാർത്ഥിയെയായിരുന്നു. അതാണ് കപ്പിലേക്ക് നയിച്ച ഏകഘടകവും.
അതേസമയം മലയാളത്തില്‍ ബിഗ് ബോസ് വരാന്‍ പോവുകയാണെന്ന വർത്തവന്നതോടെ ബിഗ് ബോസില്‍ വിന്നറാവാന്‍ താല്‍പര്യമുള്ളവര്‍ തന്റെ അടുത്ത് വരാന്‍ പറയുകയാണ് ജിന്റോ. ബിഗ് ബോസിലെ ആദ്യത്തെ രണ്ടാഴ്ച ഞാന്‍ സൈലന്റ് ആയിരുന്നത് മറ്റുള്ളവരെ മനസിലാക്കാനാണെന്നും അവസാനം കപ്പ് എനിക്ക് തന്നെ കിട്ടിയില്ലേ? അതാണ് ലക്ഷ്യം വെക്കേണ്ടതെന്നും ജിന്റോ ആരാഞ്ഞു.
മാത്രമല്ല താൻ അവിടെയുള്ള ആളുകളെ പഠിക്കാനാണ് ആദ്യം മിണ്ടാതെ ഇരുന്നത്. എല്ലാവരുടെയും റിയല്‍ സ്വഭാവം മനസിലാവണമെങ്കില്‍ കുറച്ച് ദിവസം കഴിയണമെന്നും ബിഗ് ബോസിന്റെ പ്രധാന വാതില്‍ കടന്ന് അകത്ത് എത്തി കഴിഞ്ഞാല്‍ പുറംലോകത്തെ നമ്മള്‍ മരിച്ചിട്ടുണ്ടാവുമെന്നും ജിന്റോ പറഞ്ഞു. അവിടെ വേറൊരു ലോകമാണ്. പുറത്ത് നിന്ന് ആകെ കാണുന്നത് ലാലേട്ടനെയാണ്. എന്നാൽ അദ്ദേഹം പറയുന്നതിലൂടെ പുറത്ത് നടക്കുന്നത് പലതും മനസിലാവുമെന്നും ജിന്റോ കൂട്ടിച്ചേർത്തു.