ഗതാഗത നിയമങ്ങൾ പാലിക്കേണ്ട ആവശ്യകതയെ കുറിച്ച് ജനങ്ങളെ ബോധവാന്മാരാക്കാൻ പെരുമ്പാവൂരിൽ സംഘടിപ്പിച്ച പൊതു പരിപാടിയിൽ ബൈക്ക് റാലിക്ക് നേതൃത്വം നൽകി നടൻ ജയറാം.പരിപാടിയുടെ മുഖ്യഅതിഥിയായിട്ടാണ് ജയറാം എത്തിയത്.ബൈക് റാലിക്കും മറ്റു പരിപാടിക്കും നടൻ നേതൃത്വം നൽകി.സോഷ്യൽ മീഡിയയിൽ പ്രചരിക്കുന്ന വീഡിയോയ്ക്ക് നിരവധി മന്റുകളും ലൈകുകളുമാണ് കിട്ടുന്നത്.കൂടുതൽ പേരും ജയറാമിനെ പ്രശംസിച്ചുകൊണ്ടാണ് രംഗത്തെത്തിയത്.
ട്രാഫിക് നിയമങ്ങൾ പാലിക്കുന്നത് ഒരു സംസ്കാരമായി വളർത്തുക എന്ന ലക്ഷ്യത്തോടെയാണ് താൻ ഈ പരിപാടിയിൽ പങ്കെടുക്കുന്നതിനും അതെ സ്വന്തം നാട്ടിൽ നിന്ന് തുടങ്ങാൻ കഴിഞ്ഞത് വലിയ സന്തോഷം ഉണ്ടാകുന്നു എന്നും ജയറാം പ്രതികരിക്കുകയുണ്ടായി. നഗരസഭയുടെയും ജനമൈത്രി പോലീസിന്റെയും ആഭിമുഖ്യത്തിൽ ഗതാഗത സംസ്‌കാരം ജീവിതത്തിന്റെ ഭാഗമാക്കുക എന്ന ഉദ്ദേശത്തോടുകൂടി രൂപീകരിച്ച ഹാപ്പി ട്രാഫിക് വാട്‌സ്‌ആപ്പ് കൂട്ടായ്മയുടെ ഒരുവര്‍ഷം നീണ്ടുനില്‍ക്കുന്ന ട്രാഫിക് ബോധവല്‍ക്കരണ പരിപാടികളുടെ ഉദ്ഘാടനം കൂടി ജയറാം നിർവഹിച്ചു.
jayaram in traffic awareness program