മലയാളത്തില് നിരവധി ആരാധകരുള്ള താരമാണ് ഫഹദ് ഫാസില്. സോഷ്യല് മീഡിയയില് അദ്ദേഹത്തിന്റെ വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. ഇപ്പോഴിതാ തെലുങ്കിലും തമിഴിലും തന്റെ സാന്നിധ്യം അറിയിച്ച ശേഷം കന്നഡ സിനിമയിലേക്ക് അരങ്ങേറ്റത്തിന് ഒരുങ്ങുകയാണ് ഫഹദ് ഫാസില്.
ശ്രീമുരളിയെ നായകനാക്കി സൂരി സംവിധാനം ചെയ്യുന്ന ‘ബഗീര’ എന്ന ചിത്രത്തിലൂടെയാണ് ഫഹദ് ഫാസിലിന്റെ കന്നഡ അരങ്ങേറ്റം. ‘കെജിഎഫ്’ സംവിധായകന് പ്രശാന്ത് നീല് തിരക്കഥയൊരുക്കുന്ന ഈ ചിത്രത്തിന്റെ നിര്മ്മാണം ‘കെജിഎഫ്’ നിര്മ്മാതാക്കളായ ഹൊംബാളെ ഫിലിംസ് തന്നെ ആണ്.
ഹൊംബാളെ ഫിലിംസിന്റെ മലയാള ചിത്രം ധൂമത്തിലും ഫഹദ് ആണ് നായകന്. ഈ സിനിമയുടെ ചിത്രീകരണം ഫഹദ് പൂര്ത്തിയാക്കിയിരുന്നു.
ദേശീയ മാധ്യമങ്ങളിലടക്കം വരുന്ന റിപ്പോര്ട്ടുകള് പ്രകാരം ബഗീരയില് ഫഹദ് അവതരിപ്പിക്കുക ഒരു സിബിഐ ഉദ്യോഗസ്ഥനെയാണ്.
ശ്രീമുരളി അവതരിപ്പിക്കുന്ന നായക കഥാപാത്രവും ഒരു പൊലീസ് ഉദ്യോഗസ്ഥനാണ്.പാന് ഇന്ത്യന് പ്രേക്ഷകരെ ലക്ഷ്യമിട്ടുള്ള ഈ ആക്ഷന് ചിത്രത്തിന്റെ അടുത്ത ഷെഡ്യൂള് ഫെബ്രുവരിയില് ആരംഭിച്ചേക്കുമെന്നാണ് റിപ്പോര്ട്ട്.