ഉമ്മയെയും മകനെയും ഹൃദയത്തിലേറ്റി പ്രേക്ഷകർ … ഉർവശി ടോവിനോയുടെ പുതിയ ഗാനം കാണാം !!
ക്രിസ്തുമസ് റിലീസുകളിൽ എല്ലാ തരാം ആളുകളുടെയും മനം കീഴടക്കി മുന്നേറുന്ന എന്റെ ഉമ്മാന്റെ പേരിൽ പുതിയ ഗാനം പുറത്തിറങ്ങി. സഞ്ചാരമായ് എന്ന ആ ഗാനവും ഇപ്പോൾ പ്രേക്ഷകർ ഏറ്റെടുത്തിരിക്കുകയാണ്. ഐശുമ്മയുടെയും ഹമീദിന്റെയും മാതൃ-പുത്ര സ്നേഹം മനോഹരമായി ചിത്രീകരിച്ച ഈ ഗാനം ഇതിനോടകം തന്നെ അരലക്ഷത്തോളം ആളുകൾ കണ്ടു കഴിഞ്ഞു.
ഹരിനാരായണൻറെ മനോഹരമായ വരികൾക്ക് സംഗീതം നൽകിയിരിക്കുന്നത് ഗോപി സുന്ദറാണ്. നജീം അർഷാദിന്റെ മനോഹരമായ ശബ്ദം കൂടി ആയപ്പോൾ കേൾവിക്കാരനെ മറ്റൊരു ലോകത്തേക്ക് കൊണ്ട് പോകുന്ന കിടിലൻ ഒരു പാട്ടായി സഞ്ചാരമായ് മാറിയിരിക്കുന്നു. പാട്ടിലെ ഉറുദു വരികൾ എഴുതിയിരിക്കുന്നത് ഫൗസിയ അബൂബക്കറാണ്.
Ente Ummante Peru new song