മലയാളി ടെലിവിഷൻ പ്രേക്ഷകർക്ക് സുപരിചിതനായ നടനാണ് ഡോക്ടര്‍ ഷാജു. നായകനായും വില്ലനായുമെല്ലാം സീരിയല്‍ രംഗത്ത് നിറഞ്ഞു നില്‍ക്കുന്ന താരമാണ് ഷാജു. അഭിനയത്തിന് പുറമെ ഡബ്ബിംഗ് ആര്‍ട്ടിസ്റ്റ് എന്ന നിലയിലും നിര്‍മ്മാതാവെന്ന നിലയിലുമെല്ലാം ഷാജു സ്ഥാനം കണ്ടെത്തിയിട്ടുണ്ട്. ഇപ്പോള്‍ കുടുംബവിളക്ക് എന്ന പരമ്പരയില്‍ നിറഞ്ഞു നില്‍ക്കുകയാണ് ഷാജു. തന്നെക്കുറിച്ച് മോശം വാര്‍ത്ത പ്രചരിച്ചപ്പോള്‍ ശരിക്കും തളര്‍ന്ന് പോയിരുന്നുവെന്ന് അദ്ദേഹം പറയുന്നു. ഫ്‌ളവേഴ്‌സ് ഒരുകോടിയില്‍ പങ്കെടുക്കാനെത്തിയപ്പോഴായിരുന്നു അദ്ദേഹം ഇതേക്കുറിച്ച് പറഞ്ഞത്. കരിയറിലെയും ജീവിതത്തിലെയും മറ്റ് അനുഭവങ്ങളെക്കുറിച്ചും അദ്ദേഹം സംസാരിക്കുന്നുണ്ട്.
നെടുമുടി വേണുവിനൊപ്പം പ്രവര്‍ത്തിച്ചതിനെക്കുറിച്ചും ഡോക്ടര്‍ ഷാജു സംസാരിക്കുന്നുണ്ട്. എട്ട് എപ്പിസോഡിന്റെ ചിത്രീകരണം കഴിഞ്ഞിരുന്നു. പിന്നെ അദ്ദേഹത്തിന് വരാന്‍ കഴിഞ്ഞില്ല. ഷാജൂ നമുക്കത് ചെയ്യാമെന്ന് അദ്ദേഹം ഇങ്ങോട്ട് വിളിച്ച് പറയാറുണ്ടായിരുന്നു. പക്ഷേ, അദ്ദേഹത്തിനത് ചെയ്യാനായില്ല.
സീരിയല്‍ അഭിനേതാവായത് കൊണ്ടുള്ള ഗുണത്തെക്കുറിച്ചും ഷാജു സംസാരിച്ചിരുന്നു.റിയല്‍ എസ്റ്റേറ്റിന്റെ പരിപാടിയുണ്ടായിരുന്നു. ഒരു ലേഡിയായിരുന്നു പ്രോപ്പര്‍ട്ടിയുടെ ഉടമസ്ഥ. എല്ലാ ബ്രോക്കര്‍മാരും നോക്കിയിട്ട് പരാജയപ്പെട്ടതാണ്. ഇവര് പറയുന്നത് കേട്ട് ആളെയും കൂട്ടി ചെല്ലുമ്പോള്‍ അവര്‍ വേറെ വില പറയും. മിന്നുകെട്ട് തിളങ്ങി നില്‍ക്കുന്ന സമയത്തായിരുന്നു. ഒന്‍പത് മണി സമയത്ത് ഞാന്‍ അവിടെ പോയപ്പോള്‍ അശകൊശലേ എന്ന പാട്ട് കേട്ടിരുന്നു. അത് തീര്‍ന്നതും ഞാന്‍ അവരെ കാണാന്‍ പോയി.
എങ്ങനെ സെറ്റില്‍ പെരുമാറണം, പ്രൊഡക്ഷന്‍ ടീമിനോട് എങ്ങനെ സംസാരിക്കണമെന്നൊക്കെ പഠിച്ചിട്ടുണ്ട്. അലമ്പില്ലാത്ത നടന്‍ എന്നാണ് എന്നെ വിശേഷിപ്പിക്കാറുള്ളത്. സ്‌കൂളില്‍ പഠിച്ചിരുന്ന സമയത്ത് എല്ലാ പരിപാടികളിലും പങ്കെടുക്കാറുണ്ടായിരുന്നു. നടനാവുക എന്ന ആഗ്രഹം കലശലായിരുന്നു അന്ന്. ഡോക്ടര്‍ ഷാജു പീഡനക്കേസില്‍ എന്ന ഹെഡ്ഡിങ്ങോടെ പ്രചരിച്ച വാര്‍ത്തയ്ക്ക് പിന്നിലെ യാഥാര്‍ത്ഥ്യത്തെക്കുറിച്ചും അദ്ദേഹം സംസാരിച്ചിരുന്നു. ഒരു പെണ്‍കുട്ടിയും രണ്ടുപേരുമുണ്ടായിരുന്നു അന്ന്. സ്ത്രീത്വത്തെ അപമാനിക്കുന്നു എന്നൊരു പരാതി അവരുടെ കൈയ്യിലുണ്ടായിരുന്നു. അന്ന് നന്നായി പേടിച്ചിരുന്നുവെന്നും അദ്ദേഹം പറയുന്നുണ്ടായിരുന്നു.ഒരു പെണ്‍കുട്ടി അകത്തുണ്ടായിരുന്നു, കൂടെ രണ്ട് ആണുങ്ങളും. സ്ത്രീത്വത്തെ അപമാനിക്കുന്ന തരത്തിലുള്ള പെരുമാറ്റം എന്നൊക്കെ പറഞ്ഞൊരു പരാതി തയ്യാറാക്കി വച്ചിരുന്നുവെന്നും താന്‍ ശരിക്കും പേടിച്ചു പോയെന്നുമാണ് ഷാജു പ്രൊമോയില്‍ പറയുന്നത്. മലയാളത്തിലെ നിരവധി ഹിറ്റ് പരമ്പരകളിലെ നായകനായിരുന്നു ഷാജു. മിന്നുകെട്ട് പോലുള്ള എക്കാലത്തേയും വലിയ ഹിറ്റ് പരമ്പരകളിലഭിനയിച്ചിട്ടുള്ള ഷാജു ഇപ്പോളിതാ കുടുംബവിളക്കിലെ നായകനായി കയ്യടി നേടുകയാണ്.