ഇപ്പോഴത്തെ മോഹൻലാലിനും മുകളിലാണ് ‘ആ’ നടൻ !! മലയാളത്തിലെ യുവതാരത്തെ കുറിച്ച് സംവിധായകൻ വേണു പറയുന്നത് കേൾക്കൂ…
മോഹൻലാൽ, മലയാള സിനിമയെ ഇന്ത്യ മുഴുവൻ പ്രശസ്തമാക്കിയതിൽ ഈ പേരിനുള്ള പങ്ക് ചെറുതല്ല. ഈ മഹാനടനത്തിന് മുന്നിൽ നില്ക്കാൻ ഒരു നടനും ഇന്ത്യയിൽ ഇല്ല എന്നൊരു വിശ്വാസവും നമുക്കെല്ലാമുണ്ട്. എന്നാൽ ഇപ്പോഴത്തെ മോഹൻലാലിനേക്കാൾ മികച്ചത് മലയാളത്തിലെ ഒരു യുവതാരമാണെന്ന അഭിപ്രായവുമായി എത്തിയിരിക്കുകയാണ് ക്യാമറാമാനും സംവിധായകനുമായ വേണു. കൗമുദി ടിവിക്ക് നൽകിയ അഭിമുഖത്തിലാണ് വേണു തന്റെ അഭിപ്രായം വ്യക്തമാക്കിയത്.
പഴയ മോഹൻലാലിനെയും ഇപ്പോഴത്തെ മോഹൻലാലിനെയും താരതമ്യപ്പെടുത്തുമ്പോൾ പഴയ മോഹൻലാൽ തന്നെ വിസ്മയിപ്പിച്ചിരുന്നുവെന്ന് വേണു പറയുന്നു. ഇപ്പോൾ അതിലും കൂടുതലായി തന്നെ വിസ്മയിപ്പിക്കുന്നത് നടൻ ഫഹദ് ഫാസിൽ ആണെന്നും വേണു പറയുന്നു.
ആദ്യം വിസ്മയിപ്പിച്ചത് തീർച്ചയായും മോഹൻലാൽ തന്നെയാണെന്നും അദ്ദേഹം വിസ്മയിപ്പിച്ചത് പോലെ മറ്റൊരാളും തന്നെ അതിശയപ്പെടുത്തിയിട്ടില്ലെന്നും വേണു പറയുന്നു. അന്ന് ഒരവസരം ലഭിച്ചിരുന്നെങ്കിൽ മോഹലാലിനൊപ്പം ഒരു സിനിമ തീർച്ചയായും ചെയ്‌തേനെ എന്നും വേണു പറഞ്ഞു.
Director Venu about Mohanlal and Fahadh Faasil