മിനിസ്‌ക്രീനിൽ തിളങ്ങിയ താരജോഡികളായിരുന്നു നിഷ സാരംഗും ബിജു സോപാനവും. ബാലുവും നീലുവുമായാണ് ഇവർ പ്രേക്ഷക മനസ്സിൽ ഇടം നേടിയത്. നാളുകള്‍ നീണ്ട കാത്തിരിപ്പിനൊടുവിലാണ് ഇരുവരും സിനിമയ്ക്കായി ഒരുമിക്കുന്നുവെന്ന റിപ്പോര്‍ട്ട് പുറത്തുവന്നത്. യുവതാരനിരയില്‍ പ്രധാനികളിലൊരാളായ ടൊവിനോ തോമസിനൊപ്പമാണ് ഇവരുടെ വരവ്. അരുണ്‍ ബോസ് സംവിധാനം ചെയ്യുന്ന ലൂക്കയിലൂടെയാണ് ബാലുവും നീലുവും അതേ കഥാപാത്രമായി വെള്ളിത്തിരയിലും എത്തുന്നത്. ലൂക്ക ജൂണിലാണ് റിലീസ് ചെയ്യുന്നത്.
അഹാന കൃഷ്ണ നായികയായെത്തുന്ന സിനിമയുടെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസം പുറത്തുവിട്ടിരുന്നു. ബാലുവിനേയും നീലുവിനേയും വെള്ളിത്തിരയില്‍ കാണുന്നതിനായി കാത്തിരിക്കുകയാണ് ആരാധകര്‍. മിനിസ്‌ക്രീനില്‍ മാത്രമല്ല സിനിമയിലും ഇരുവരും തകര്‍ക്കുമെന്നുള്ള വിലയിരുത്തലുകളാണ് പുറത്തുവന്നിട്ടുള്ളത്. എന്തായാലും താരജോഡികളെ ഒരുമിച്ച് ബിഗ് സ്‌ക്രീനിൽ കാണാനായുള്ള കാത്തിരിപ്പിലാണ് ആരാധകർ.
bijo sopanam and nisha sarangh with tovino and ahana