ബിഗ് ബോസ് സീസൺ മൂന്ന് 28 ആം ദിവസത്തിലേക്ക് കടക്കുമ്പോൾ ആകാംക്ഷയും രസകരവും ആയ എപ്പിസോഡുകൾ ആണ് പ്രേക്ഷകരിലേക്ക് എത്തിക്കൊണ്ടിരിക്കുന്നത്. അഡോണിയുടെയും, ഏഞ്ചലിന്റെയും ബന്ധം സൗഹൃദം മാത്രമാണോ എന്ന സംശയം നിലനിൽക്കുന്നതിനിടയിൽ തന്നെ പലവിധ ചർച്ചകളും സോഷ്യൽ മീഡിയ വഴി നടക്കുന്നുണ്ട്. ഒട്ടനവധി ട്രോളുകളും ബിഗ് ബോസിനുളളിലെ പ്രേമത്തെ ചുറ്റിപറ്റി നടക്കുന്നു. ഇതിനിടയിൽ ആണ് കഴിഞ്ഞ ദിവസത്തെ എപ്പിസോഡിനുള്ളിൽ അഡോണിയുടെയും ഏഞ്ചലിന്റെയും സംഭാഷണങ്ങളും മോഹൻലാലിൻറെ ചോദ്യവും വീണ്ടും സോഷ്യൽ മീഡിയ ചർച്ച ചെയ്യുന്നത്!!
വരുന്ന എലിമിനേഷനിൽ ഏയ്ഞ്ചൽ പുറത്തുപോകും എന്ന് പ്രവചനങ്ങൾ പുറത്തുവരുന്നതിനിടയിലും കഴിഞ്ഞദിവസം മോഹൻലാൽ പങ്കെടുത്ത വീക്കിലി എപ്പിസോഡിനെക്കുറിച്ചുള്ള ചൂടൻ ചർച്ചകളും സോഷ്യൽ മീഡിയയിൽ സജീവം ആണ്. വിശദമായി വായിക്കാം! മണികുട്ട പില്ലോ ഫൈറ്റ് എങ്ങിനെ ഉണ്ടായിരുന്നു,എന്ന് മോഹൻലാൽ ചോദിച്ചു തുടങ്ങുന്ന ഭാഗത്തോടെയാണ് പില്ലോ രഹസ്യം മത്സരാർത്ഥികൾ ശ്രദ്ധിച്ചു തുടങ്ങുന്നത്. മോഹൻലാലിൻറെ കൈയ്യിൽ പില്ലോ ഇരിക്കുന്നതും കണ്ടതോടെ തങ്ങളുടെ കള്ളത്തരം പൊളിഞ്ഞതിന്റെ ചമ്മലിൽ ഏഞ്ചൽ ചിരിക്കാനും തുടങ്ങി.
സായിയും മണികുട്ടനും പില്ലോയെക്കുറിച്ചുള്ള കാര്യങ്ങൾ പറഞ്ഞു തീരുന്നതോടെ മോഹൻലാൽ അഡോണിയോട് അതെ ചോദ്യം ആവർത്തിക്കുന്നു. അതേസമയം എന്തിനാണ് ഏഞ്ചൽ ചിരിക്കുന്നത് എന്ന് മോഹൻലാൽ ചോദിക്കുന്നതോടെ, ഫൈറ്റിന്റെ കാര്യം ചിന്തിച്ചതാണ് എന്ന മറുപടി ഏഞ്ചൽ നൽകുന്നു. ഫൈറ്റിന്റെ കാര്യം ചിന്തിച്ചാൽ ചിരിവരുമോ എന്ന ചോദ്യമാണ് മോഹൻലാൽ പിന്നീട് ചോദിച്ചത്. ഡിംപലിനേയും കൊണ്ട് തലയിണയിൽ ഉള്ള കോഡ് ഭാഷ വായ്പ്പിച്ചതോടെയാണ് കാര്യങ്ങൾ മറ്റുള്ളവർക്ക് മനസിലാകുന്നത്. എന്നാൽ പിന്നീടുള്ള ലാലേട്ടന്റെ ചോദ്യവും അതിനു ഒന്നും ആലോചിക്കാതെയുള്ള ഏയ്ഞ്ചലിന്റെ മറുപടിയും ആണ് സോഷ്യൽ മീഡിയയിൽ ചർച്ചയാകുന്നത്. ഈ സംഭവം നടക്കുമ്പോൾ എത്ര മണി ആയി എന്ന് ലാലേട്ടൻ ചോദിക്കുമ്പോൾ രണ്ടുമണി എന്ന മറുപടി ആണ് ഏഞ്ചൽ നൽകുന്നത്.
അഡോണിയും ഏയ്ഞ്ചലും സംസാരിക്കുന്ന ദൃശ്യങ്ങൾ രാത്രിയിൽ 2 മണിക്ക് ശേഷം ആണ് ബിഗ് ബോസിൽ നിന്നും പുറത്തുവന്നത്. ബിഗ് ബോസ് വീടിനുള്ളിൽ ക്ളോക്കോ, മൊബൈലോ ഒന്നും ഉപയോഗിക്കാൻ കഴിയാത്ത സാഹചര്യം നിലനിൽക്കുമ്പോൾ എങ്ങനെ ഏഞ്ചലിന് ഇത്ര കൃത്യമായി സമയം മനസിലായി എന്നാണ് ഇപ്പോൾ സോഷ്യൽ മീഡിയയുടെ സംശയവും. നിങ്ങൾക്ക് വാച്ചില്ല, പിന്നെ എങ്ങനെ സമയം, ഇത്ര കൃത്യമായി പറയുന്നു എന്ന് മോഹൻലാൽ ചോദിക്കുമ്പോൾ, അത്… ഞാൻ പിന്നെ… ഏകദേശം ഒരു ഊഹം വച്ച് പറഞ്ഞതാണ് എന്ന ഏഞ്ചലിന്റെ മറുപടിയും സോഷ്യൽ മീഡിയ ചൂണ്ടിക്കാണിക്കുന്നുണ്ട്.
big boss