2014 – ൽ അഞ്ജലി മേനോൻ സംവിധാനം ചെയ്ത് സൂപ്പർ ഹിറ്റ് സിനിമയാണ് ബാംഗ്ലൂർ ഡെയ്സ്. മലയാളത്തിലെ കിടിലം ചിത്രങ്ങളിലൊന്നാണ് അത്. ഈ ചിത്രം വലിയ രീതിയിൽ ചർച്ചയായതോടെ മറ്റുഭാഷകളിലേക്കും റീമേക്ക് ചെയ്യപ്പെട്ടു. കഴിഞ്ഞ വർഷം യാരിയാൻ 2 എന്ന പേരിൽ ചിത്രത്തിന്റെ ഹിന്ദി പതിപ്പ് പുറത്തിറങ്ങിയിരുന്നു. എന്നാൽ ഇതിനെതിരെ നിരവധി പേരാണ് സമൂഹ മാധ്യമത്തിലൂടെ രംഗത്തെത്തിയിരിക്കുന്നത്.
അതേസമയം രാധിക റാവു, വിനയ് സ്പറു എന്നിവർ ചേർന്നാണ് ചിത്രം സംവിധാനം ചെയ്തത്. മലയാളികളായ അനശ്വര രാജനും പ്രിയ വാര്യരും ചിത്രത്തിൽ പ്രധാന വേഷത്തിലെത്തിയിരുന്നുണ്ട്. ഹിന്ദി പതിപ്പിലെ ഒരു രംഗം സമൂഹ മാധ്യമത്തിൽ വൈറലായതോടെയാണ് റീമേക്കിനെതിരെ രൂക്ഷമായ വിമർശനം ഉയർന്നത്.
https://x.com/i/status/1802235948404740215
റീമേക്കാണെന്നും പറഞ്ഞ് സിനിമയെ നശിപ്പിക്കരുതെന്നാണ് സോഷ്യൽ മീഡിയ ഉപയോക്താക്കൾ കുറിച്ചിരിക്കുന്നത്. കസിൻസ് തമ്മിലുള്ള ആത്മബന്ധത്തെയും സൗഹൃദത്തെയും കുറിച്ച് പറയുന്ന സിനിമയെ റീമേക്കെന്നും പറഞ്ഞ് നശിപ്പിച്ചെന്നാണ് ഭൂരിഭാഗം പേരുടേയും അഭിപ്രായം. ഇതോടെ എക്സിലും മറ്റ് സമൂഹ മാധ്യമത്തിലും ചിത്രത്തിന്റെ രംഗങ്ങൾ വൈറലായി.