സിദ്ദിഖ് സംവിധാനം ചെയ്യുന്ന ബിഗ് ബ്രദറിന്റെ സെറ്റിലാണ് ഇപ്പോള്‍ മോഹന്‍ലാല്‍ ഉള്ളത്. ചിത്രത്തില്‍ ബോളിവുഡ് താരം അര്‍ബാസ് ഖാനും പ്രധാന വേഷത്തിലുണ്ട്. കഴിഞ്ഞ ദിവസം അര്‍ബാസ് ഖാന്റെ ജന്‍മദിനത്തോട് അനുബന്ധിച്ച്‌ മോഹന്‍ലാല്‍ അദ്ദേഹത്തിനായി വിരുന്നൊരുക്കി. മോഹന്‍ലാലിന്റെ വീട്ടില്‍ അദ്ദേഹവും ഭാര്യ സുചിത്രയും മക്കളുമെല്ലാം പാട്ടുകള്‍ പാടി ആഘോഷത്തില്‍ കൂടി.
സല്‍മാന്‍ ഖാന്റെ സഹോദരനാണ് അര്‍ബാസ്. എന്‍ഫോഴ്‌സ്‌മെന്റ് ഓഫിസറായ വേദാന്തം ഐപിഎസ് എന്ന കഥാപാത്രമായാണ് അര്‍ബാസ് ഖാന്‍ ബിഗ് ബ്രദറില്‍ എത്തുക. നേരത്തേ 2011ല്‍ സല്‍മാന്‍ ഖാനെ നായകനാക്കി ഹിന്ദിയില്‍ ബോഡിഗാര്‍ഡ് സംവിധാനം ചെയ്ത സിദ്ധിഖിന് അര്‍ബാസ് ഖാനെ ദീര്‍ഘകാലമായി പരിചയമുണ്ട്. കോമഡിക്ക് എന്ന പോലെ ആക്ഷനും പ്രാധാന്യമുള്ള ചിത്രമാണ്.
തികഞ്ഞ ഫാമിലി എന്റര്‍ടെയ്‌നറായി ചിത്രമൊരുക്കുന്നതിനാണ് ശ്രമിക്കുന്നതെന്ന് സിദ്ദിഖ് പറയുന്നു. അനൂപ് മേനോന്‍, വിഷ്ണു ഉണ്ണികൃഷ്ണന്‍, സര്‍ജാനോ ഖാലിദ്, ടിനി ടോം തുടങ്ങിയവരാണ് മറ്റ് പ്രധാന വേഷങ്ങളില്‍ എത്തുന്നത്. പുതുമുഖം മിര്‍ന മേനോനാണ് നായികാ വേഷത്തില്‍ എത്തുന്നത്.
Arbaaz Khan’s birthday celebrated in Mohanlal’s house. Arbaaz Khan debuting to Malayalam through Mohanlal starrer Big Brother directing by Siddique.