ആരാധകരോട് സെല്‍ഫിക്ക് നോ പറയാറുണ്ടെന്ന് തുറന്ന് പറഞ്ഞ് അപര്‍ണ ബാലമുരളി. തന്റെ മൂഡ് അനുസരിച്ചാകും സെല്‍ഫിക്ക് തയാറാവുക എന്നാണ് അപര്‍ണ പറയുന്നത്.
”പുറത്തിറങ്ങുമ്പോള്‍ ആരാധകര്‍ സെല്‍ഫി എടുക്കാന്‍ വരുമ്പോള്‍ എന്റെ മൂഡ് അനുസരിച്ചാണ് അതിന് നിന്നുകൊടുക്കുക. ഒട്ടും മൂഡ് ഇല്ലാത്ത സമയത്താണേല്‍ പറ്റില്ല എന്ന് പറയും” എന്ന് അപര്‍ണ കേരള കൗമുദിയോട് പറഞ്ഞു.
തമിഴില്‍ സൂര്യക്കൊപ്പം ‘സൂരരൈ പോട്രു’ എന്ന ചിത്രത്തിലാണ് അപര്‍ണ ഇപ്പോള്‍ അഭിനയിക്കുന്നത്. ചിത്രത്തിന്റെ സംവിധായിക സുധ കൊങ്കര പറഞ്ഞിട്ടാണ് താന്‍ ഓഡീഷനില്‍ പങ്കെടുത്തതെന്നും ഇത്രയും വലിയൊരു സിനിമയുടെ ഭാഗമാകുമെന്ന് സ്വപ്‌നത്തില്‍ പോലും വിചാരിച്ചിട്ടില്ലെന്നും അപര്‍ണ പറഞ്ഞു.