ആദ്യ സിനിമയിലൂടെ തന്നെ മലയാളികളുടെ പ്രിയപ്പെട്ട താരമായി മാറിയ നടിയാണ് അന്ന ബെന്‍. ശ്യാം പുഷ്‌ക്കര്‍ തിരക്കഥയെഴുതി മധു സി നാരായണന്‍ സംവിധാനം ചെയ്ത കുമ്ബളങ്ങി നൈറ്റ്‌സാണ് താരത്തിന്റെ ആദ്യ ചിത്രം . മികച്ച പ്രകടനത്തിലൂടെ പ്രശംസ നേടിയ താരം തന്റെ രണ്ടാം സിനിമയായ ഹെലനിലൂടെ മികച്ച അഭിനയമാണ് കാഴ്ചവെച്ചത് . ഇപ്പോള്‍ താരം സോഷ്യല്‍ മീഡിയയില്‍ പങ്കുവച്ച പുതിയ ചിത്രമാണ് വൈറലായിരിക്കുന്നത് .
ചിത്രത്തില്‍ അന്നയോടൊപ്പമുള്ള സുകുമാരന്‍ ആണ് ചിത്രങ്ങളിലെ താരം . ഹെലന്‍ എന്ന ചിത്രത്തിലുണ്ടായിരുന്ന എലി ആണ് അന്നയോടൊപ്പം പുതിയ ചിത്രത്തില്‍ ഉണ്ടായിരുന്നത് . ചിത്രത്തില്‍ സുകുമാരന്‍, കുറുപ്പ് എന്നീ പേരുകള്‍ ഉള്ള രണ്ട് എലികള്‍ ആണ് അഭിനയിക്കാന്‍ എത്തിയത് . ഇതിലെ സുകുമാരനൊപ്പമുള്ള ചിത്രങ്ങള്‍ ആണ് താരം പങ്കുവച്ചിരിക്കുന്നത് .തിരക്കഥാകൃത്തായ ബെന്നി പി നായരമ്ബലത്തിന്റെ മകളാണ് അന്ന .
anna ben