അന്തരിച്ച ദംഗല്‍ താരം സുഹാനി ഭട്‌നഗറിന്റെ കുടുംബത്തെ സന്ദര്‍ശിച്ച് നടന്‍ ആമിര്‍ ഖാന്‍. സുഹാനിയുടെ ഫരീദാബാദിലുള്ള വീട്ടിലാണ് ആമിര്‍ ഖാന്‍ എത്തിയത്. അപൂര്‍വ രോഗമായ ഡെര്‍മറ്റോമയോസിറ്റിസ് ബാധിച്ചാണ് സുഹാനി മരിച്ചത്. മാതാപിതാക്കള്‍ക്കും കുടുംബത്തിലെ മറ്റ് അംഗങ്ങള്‍ക്കും ഒപ്പം സുഹാനിയുടെ ഫോട്ടോയ്ക്ക് സമീരം നില്‍ക്കുന്ന ചിത്രം സോഷ്യല്‍ മീഡിയയില്‍ പങ്കുവെച്ചിരുന്നു.
ദംഗലില്‍ ആമിര്‍ ഖാന്റെ മകളായാണ് സുഹാനി എത്തിയത്. ചികിത്സയ്ക്കായി സുഹാനിയെ ഏറെ നാളായി ഡല്‍ഹിയിലെ എയിംസ് ആശുപത്രിയില്‍ പ്രവേശിപ്പിച്ചിരുന്നു. പേശികളെയും ചര്‍മ്മത്തെയും ബാധിക്കുന്ന അപൂര്‍വ കോശജ്വലന രോഗമാണ് ഡെര്‍മറ്റോമിയോസിറ്റിസ്. രണ്ട് മാസം മുമ്പ്, ഭട്‌നാഗറിന് കൈകളില്‍ നീര്‍വീക്കം അനുഭവപ്പെടാന്‍ തുടങ്ങി, അത് പിന്നീട് ശരീരത്തിലുടനീളം വ്യാപിക്കുകയായിരുന്നു.
അസുഖം വളരെക്കാലമായി തിരിച്ചറിയപ്പെടാതെ കിടന്നപ്പോള്‍, ഏകദേശം 11 ദിവസം മുമ്പ്, ഭട്‌നാഗറിനെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) പ്രവേശിപ്പിച്ചു, അവിടെ നടത്തിയ പരിശോധനയില്‍ ആണ് ഭട്‌നാഗറിന് ഡെര്‍മറ്റോമിയോസിറ്റിസ് എന്ന അപൂര്‍വ രോഗമാണെന്ന് കണ്ടെത്തിയത്.
പേശികളെയും ചര്‍മ്മത്തെയും ബാധിക്കുന്ന അപൂര്‍വ രോഗമാണ് ഡെര്‍മറ്റോമിയോസിറ്റിസ്. ഇത് പേശികളുടെ ബലഹീനതയ്ക്കും ചര്‍മ്മ ചുണങ്ങിനും കാരണമാകുന്നു. ഇതിനെ അപൂര്‍വ രോഗമായാണ് കണക്കാക്കുന്നത്. ജനസംഖ്യയില്‍ ഒരു ചെറിയ ശതമാനം ആളുകളില്‍ മാത്രമേ ഇത് ബാധിച്ചിട്ടുള്ളൂ. മയോ ക്ലിനിക്ക് പറയുന്നതനുസരിച്ച്, ഡെര്‍മറ്റോമിയോസിറ്റിസിന്റെ കാരണം അജ്ഞാതമാണ്.
എന്നാല്‍ ഈ രോഗത്തിന് സ്വയം രോഗപ്രതിരോധ വൈകല്യങ്ങളുമായി വളരെ സാമ്യമുണ്ട്, അതില്‍ രോഗപ്രതിരോധ സംവിധാനം ശരീര കോശങ്ങളെ തെറ്റായി ആക്രമിക്കുന്നു. ജനിതകശാസ്ത്രം, അണുബാധകള്‍ അല്ലെങ്കില്‍ ചില മൂലകങ്ങളുമായുള്ള സമ്പര്‍ക്കം എന്നിവ ഡെര്‍മറ്റോമയോസിറ്റിസ് വികസിപ്പിക്കുന്നതില്‍ ഒരു പങ്കു വഹിക്കുന്നു.