കഴിഞ്ഞ ദിവസമായിരുന്നു അംബാനി കുടുംബത്തിന്റെ കെങ്കേമമായ വിവാഹാഘോഷങ്ങൾ അവസാനിച്ചത്. അനന്ത് അംബാനിയുടെയും രാധിക മെർച്ചന്റിന്റെയും വിവാഹത്തിന് സിനിമ ലോകം തന്നെ ഒഴുകിയെത്തിയിരുന്നു. വിവാഹ ആഘോഷത്തിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ ഏറെ തരംഗമായിരുന്നു.
ഇപ്പോഴിതാ ചടങ്ങിനിടെ തെന്നിന്ത്യൻ താരങ്ങളെടുത്ത ഒരു സെൽഫിയാണ് സമൂഹമാദ്ധ്യമ ലോകത്ത് ശ്രദ്ധേയമാവുന്നത്.
നയൻതാര, വിഘ്നേഷ് ശിവൻ, ജെനീലിയ, റിതേഷ് ദേശ്മുഖ്, മഹോഷ് ബാബുവിന്റെ കുടുംബവും, സൂര്യ- ജ്യോതിക ദമ്പതികളും, പൃഥ്വിരാജ് എന്നിങ്ങനെ തെന്നിന്ത്യൻ താരങ്ങളാണ് ചിത്രത്തിലുള്ളത്.
ഭാര്യ സുപ്രിയയോടൊപ്പമാണ് പൃഥ്വിരാജ് വിവാഹത്തിനെത്തിയത്. അവരുടെ സമീപത്തായി ഇരിക്കുന്ന ക്രിക്കറ്റ് താരം ജസ്പ്രീത് ബുമ്രയെയും ഭാര്യ സഞ്ജന ഗണേശനെയും ചിത്രത്തിൽ കാണാം.
അതേസമയം വിഘ്നേഷ് ശിവനാണ് ചിത്രം ഇൻസ്റ്റഗ്രാമിലൂടെ പങ്കുവച്ചിരിക്കുന്നത്. ‘സുന്ദരികളോടെപ്പമുള്ള മനോഹരമായ നിമിഷം’ എന്ന അടിക്കുറിപ്പോടെയാണ് ചിത്രം പങ്കുവച്ചിരിക്കുന്നത്. സിനിമാ, വ്യവസായ, രാഷ്‌ട്രീയ മേഖലകളിൽ നിന്ന് പ്രമുഖർ പങ്കെടുത്ത വിവാഹ ആഘോഷത്തിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വൈറലാകുന്നുണ്ട്.