മസില്‍ പെരുപ്പിച്ചുള്ള ചിത്രമാണ് കഴിഞ്ഞ ദിവസം നടന്‍ ടൊവിനോ തോമസ് സോഷ്യല്‍ മീഡിയയില്‍ പങ്കുവച്ചത്. എന്നാല്‍ ഇപ്പോൾ ഇതാ ടൊവിനോയെ വെല്ലുവിളിച്ചിരിക്കുകയാണ് അജു വര്‍ഗീസ്.
ടൊവിനോയുടെ ചിത്രങ്ങള്‍ പങ്കുവച്ച് ”എന്റെ പൊന്നളിയാ നമിച്ചു…അസൂയ ആണത്രേ അസൂയ….ആര്‍ക്കാണെലും അസൂയ ഉണ്ടാകും….ഫ്രിഡ്ജില്‍ കേറ്റണോ?? അഞ്ചാം പാതിരാ” എന്ന് അജു വര്‍ഗീസ് സോഷ്യല്‍ മീഡിയയില്‍ കുറിച്ചിരുന്നു. പിന്നാലെയാണ് മസില്‍ പെരുപ്പിച്ചുള്ള തന്റെ പുതിയ ചിത്രങ്ങള്‍ അജു പങ്കുവച്ചിരിക്കുന്നത്. ”ഒന്നും നോക്കിയില്ല…രാവിലെ 5 മണിക്ക് തന്നെ തുടങ്ങി…എഡിറ്റിംഗ്..ഇന്നാ പിടിച്ചോ..” എന്നാണ് ഫോട്ടോഷോപ്പ് ചെയ്ത ചിത്രങ്ങള്‍ പങ്കുവച്ച് അജു കുറിച്ചത്.
അജുവിന്റെ ചിത്രങ്ങള്‍ക്ക് മലയാളത്തിലെ പ്രിയ നായികമാരും കമന്റ് ചെയ്തിട്ടുണ്ട്. ”കില്ലര്‍ എന്റെ പൊന്ന് അജുവേ” എന്നാണ് നടി മമംത മോഹന്‍ദാസിന്റെ കമന്റ്. ”ഹല്ല മിസ് പെരേര..ഇതൊക്കെ ചുമ്മാ സാമ്പിള്‍ അല്ലേ..ഞാന്‍ ഇനിയും ഞെട്ടിക്കും” എന്നാണ് അജുവിന്റെ മറുപടി. എന്നാല്‍ ഇത്ര പെട്ടെന്ന് വേണ്ടായിരുന്നു എന്നാണ് നടി ജോമോള്‍ പറയുന്നത്. വാശിപ്പിടിപ്പിച്ചു പിന്നെ പറയണോ എന്ന് അജുവും. ആ കാലിലും ചങ്ങല ഇടണമായിരുന്നു എന്നാണ് നടന്‍ ഷറഫുദ്ദീന്റെ കമന്റ്.
അഹാന കൃഷ്ണ, റിമി ടോമി, പേളി മാണി, നവ്യ നായര്‍ തുടങ്ങിയ താരങ്ങളും ചിത്രത്തിന് കമന്റുകളുമായി എത്തി. അഭിനയത്തിലും ഫിറ്റ്‌നസിലും ഒരുപോലെ ശ്രദ്ധിക്കുന്നയാളാണ് ടൊവിനോ. തന്റെ വര്‍ക്ക്ഔട്ട് ചിത്രങ്ങള്‍ താരം എപ്പോഴും സോഷ്യല്‍ മീഡിയയില്‍ പങ്കുവയ്ക്കാറുണ്ട്. അച്ഛനൊപ്പമുള്ള വര്‍ക്കൗട്ട് ചിത്രങ്ങളും താരം പങ്കുവച്ചിരുന്നു. ടൊവിനോയുടെ കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ് ചിത്രം തിരുവോണ ദിനത്തില്‍ റിലീസ് ചെയ്യും.