ഷോർട്സ് ധരിച്ച് ക്ഷേത്രത്തിൽ പ്രവേശിച്ച അജയ് ദേവ്ഗണിന് എതിരെ വിമർശനം. ഒരു വിഭാഗം വിശ്വാസികള്‍ താരത്തിനെതിരെ പ്രതിഷേധവുമായി രംഗത്തെത്തിയിരിക്കുന്നത്. മാന്ദാവിയിലുളള ശ്രീനാഥ് മഹാദേവ ക്ഷേത്രത്തില്‍ ദര്‍ശനം നടത്തുന്നതിന്റേയും വഴിപാടുകള്‍ ചെയ്യുന്നതിന്റേയും ചിത്രങ്ങള്‍ താരം സോഷ്യല്‍ മീഡിയ പേജുകളില്‍ പങ്കുവെച്ചിരുന്നു. ചിത്രത്തില്‍ ഷോര്‍ട്സാണ് താരം ധരിച്ചിരിക്കുന്നത്. ഈ ചിത്രങ്ങള്‍ സമൂഹമാധ്യമങ്ങളില്‍ വൈറലായിട്ടുണ്ട്.
ദൈവത്തോട് അല്‍പം ബഹുമാനം കാണിക്ക്, കുഞ്ഞടുപ്പിട്ട് ദൈവത്തിന്റെ മുന്നില്‍ ചെല്ലാന്‍ നാണമില്ലോ. ആരോടുമില്ലെങ്കിലും നിങ്ങള്‍ക്ക് ആചാരങ്ങളെക്കുറിച്ച്‌ വലിയ ധാരണയൊന്നുമില്ലല്ലേ എന്നിങ്ങനെയാണ് വിമര്‍ശനങ്ങളാണ് ഉയരുന്നത്. വിമര്‍ശനങ്ങള്‍ ഉയര്‍ന്നതിനു പിന്നാലെ മറുപടിയുമായി താരം രംഗത്തെത്തിയിട്ടുണ്ട്.
ആരാധന തികച്ചും വ്യക്തിപരമായ കാര്യമാണ്. ദൈവത്തെ കാണാന്‍ എങ്ങനെ പോകണമെന്ന് തീരുമാനിക്കാനുള്ള അവകാശം തനിയ്ക്കുണ്ട് അതില്‍ മറ്റാരും ഇടപെടേണ്ട കാര്യമില്ലെന്നും താരം പറയുന്നു. ബോളിവുഡിലെ എവര്‍ഗ്രീന്‍ താരദമ്ബതികളാണ് കജോളും- അജയ് ദേവ്ഗണ്ണും. ബോളിവുഡ് കോളങ്ങളില്‍ മികച്ച ദമ്ബതികള്‍ എന്ന നിലയില്‍ ഇവരുടെ പേരുകള്‍ ഇടം പിടിക്കാറുണ്ട്.
ajay devgn replied to negative comments