കാനിൻ്റെ ചുവപ്പു പരവതാനിയിൽ മകൾക്കൊപ്പം തിളങ്ങി ഐശ്വര്യ റായി. 72 -ാമത് കാന്‍ രാജ്യാന്തര ഫിലിം ഫെസ്റ്റിവലില്‍ ഐശ്വര്യ ധരിച്ചെത്തിയ ഗൗൺ ക്യാമറക്കണ്ണുകൾക്ക് മുന്നിൽ മിന്നിത്തിളങ്ങുകയായിരുന്നു. മകള്‍ക്കൊപ്പമാണ് ഐശ്വര്യറായി കാനിന്‍റെ റെഡ് കാര്‍പ്പറ്റിലേക്കെത്തിയത്.
താരത്തിൻ്റെ റെഡ് കാര്‍പ്പറ്റിലേക്കുള്ള പ്രവേശനം ആരാധകര്‍ ആകാംക്ഷയോടെ കാത്തിരിക്കുകയായിരുന്നു. മകള്‍ ആരാധ്യക്ക് ഒപ്പമുള്ള താരത്തിൻ്റെ ആ വരവ് കാനിലെത്തിയ ആരാധകരെ ആവേശത്തിലാക്കി. ആരാധ്യയുടെ കൈപിടിച്ചാണ് കാനിലെ റെഡ് കാര്‍പ്പറ്റിലേക്ക് താരം എത്തിയത്. മെറ്റാലിക് ഫിഷ്കട്ട് ഗൗണായിരുന്നു താരം അണിഞ്ഞിരുന്നത്. ആരാധ്യയും അതേ നിറത്തിലുള്ള ഉടുപ്പാണ് അണിഞ്ഞെത്തിയത്.
കഴിഞ്ഞദിവസങ്ങളിലെല്ലാം ബോളിവുഡിൻ്റെ താരറാണികളെല്ലാം വിവിധ വേഷപ്പകര്‍ച്ചകളിൽ കാനിൻ്റെ റെഡ് കാര്‍പ്പറ്റിലെത്തി ആരാധകരെയും ക്യാമറക്കണ്ണുകളെയും ആവേശത്തിലാക്കുകയാണ്.
Aishwarya Rai and Daughter in Red carpet..