ബാലതാരമായി സിനിമയിൽ തിളങ്ങിയ ശ്യാമിലി സിനിമാ ജീവിതത്തില്‍ നിന്നും മാറിനിന്നതിന് ശേഷം നായികയായി മടങ്ങി വന്നിരുന്നു. നായികയായിട്ടുള്ള മടങ്ങി വരവിനും ഗംഭീര സ്വീകരണമായിരുന്നു ആരാധകര്‍ ഒരുക്കിയത്. ശാലീന സൗന്ദര്യത്തിനുടമയായ ശ്യാമിലി ഇപ്പോള്‍ ഗ്ലാമറസ് ലുക്കിലെത്തി ആരാധകരെ അതിശയിപ്പിച്ചിരിക്കുകയാണ്. സോഷ്യല്‍ മീഡിയ പേജിലൂടെ നടി തന്നെ പുറത്ത് വിട്ട ചില ചിത്രങ്ങളാണ് തരംഗമായി കൊണ്ടിരിക്കുന്നത്. ഇതുവരെ കാണാത്ത തരത്തില്‍ തകര്‍പ്പന്‍ മേക്കോവറാണ് നടി നടത്തിയിരിക്കുന്നത്. ഈ ചിത്രങ്ങളെല്ലാം ആരാധകര്‍ ഏറ്റെടുത്തിരിക്കുകയാണ്.
രണ്ടാം വയസ് മുതലാണ് ശ്യാമിലി അഭിനയിച്ച്‌ തുടങ്ങിയത്. മലയാളം, തമിഴ്, കന്നഡ, തെലുങ്ക് എന്നിങ്ങനെ തെന്നിന്ത്യന്‍ ലോകത്തെ എല്ലാ ഇന്‍ഡസ്ട്രികളിലും ചെറുപ്പത്തില്‍ തന്നെ ശ്യാമിലി അഭിനയിച്ചിരുന്നു. ഒരു സിനിമയില്‍ മാത്രമേ ഉള്ളുവെങ്കിലും ബോളിവുഡിലും തന്റെ സാന്നിധ്യമറിയിക്കാന്‍ ശ്യാമിലിയ്ക്ക് കഴിഞ്ഞിരുന്നു. ചെറിയ പ്രായത്തില്‍ തന്നെ നാല്‍പതോളം സിനിമകളില്‍ അഭിനയിച്ചതിന് ശേഷമാണ് ശ്യാമിലി സിനിമയില്‍ നിന്നും മാറി നിന്നത്.
അഭിനയം തുടങ്ങി ആദ്യ സിനിമകളിലൂടെ തന്നെ മികച്ച പ്രകടനം കാഴ്ച വെച്ച ശ്യാമിലിയെ തേടി ദേശീയ പുരസ്‌കാരം വരെ എത്തിയിരുന്നു. മണിരത്‌നം സംവിധാനം ചെയ്ത അഞ്ജലി എന്ന ചിത്രത്തിലെ അഭിനയത്തിനായിരുന്നു മികച്ച ബാലതാരത്തിനുള്ള ദേശീയ പുരസ്‌കാരം ശ്യാമിലിയ്ക്ക് ലഭിച്ചത്. ഇതേ ചിത്രത്തിലൂടെ തന്നെ മികച്ച ബാലതാരത്തിനുള്ള തമിഴ്‌നാട് സര്‍ക്കാരിന്റെ സംസ്ഥാന പുരസ്‌കാരവും ശ്യാമിലിയ്ക്ക് ലഭിച്ചിരുന്നു. പേര് സൂചിപ്പിക്കുന്നത് പോലെ അഞ്ജലി എന്ന ടൈറ്റില്‍ റോള്‍ അവതരിപ്പിച്ചതും ശ്യാമിലിയായിരുന്നു.
actress shamili
