തീവണ്ടി, ലില്ലി, ഒരു യമണ്ടൻ പ്രേമകഥ, ഉയരെ എന്നീ ചിത്രങ്ങളിലൂടെ ശ്രദ്ധേയയായ യുവതാരം സംയുക്ത മേനോൻആരാധകര്‍ക്കൊപ്പം സെൽഫിയെടുക്കു്നനതിൻ്റെ വീഡിയോ ശ്രദ്ധേയമാകുന്നു. താരജാഡകളൊന്നും കൂടാതെ ആരാധകര്‍ക്കൊപ്പം സെൽഫിക്ക് പോസ് ചെയ്യുന്ന നായിക ഇരുട്ടകറ്റാൻ തൻ്റെ ഫോണിലെ ഫ്ലാഷ് ലൈറ്റ് ഓണാക്കി തൻ്റെ മുഖത്തേക്ക് പിടിക്കുന്നതിൻ്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാകുകയാണ്. ടിക് ടോക്കിൽ യുവാവ് പങ്കുവച്ച വിഡിയോ ആണ് ഇപ്പോൾ വ്യാപകമായി പ്രചരിക്കുന്നത്.
ഒരു പരിപാടിയിൽ പങ്കെടുത്ത് മടങ്ങാനൊരുങ്ങുന്ന സംയുക്തയുടെ കാറിന് ചുറ്റും ആരാധകര്‍ കൂടുകയായിരുന്നു. സെൽഫിയെടുക്കാൻ ആരാധകർ തിരക്കു കൂട്ടിയപ്പോഴാണ് കാറിനുള്ളിലിരുന്ന സംയുക്ത സെൽഫിക്ക് പോസ് ചെയ്തത്. രാത്രിയായതിനാൽ കാറിനുള്ളിലെ വെട്ടത്തിൽ സെൽഫി പകർത്തുക പ്രയാസമായതിനാൽ ചിത്രം വ്യക്തമായി പകർത്താൻ തൻ്റെ ഫോണിലെ ഫ്ലാഷ് ലൈറ്റ് ഓണാക്കി തൻ്റെ മുഖത്തേക്ക് പിടിക്കുകയാണ്. ദുൽഖർ നായകനായ ഒരു യമണ്ടൻ പ്രേമകഥയിലെ രണ്ടു നായികമാരിൽ ഒരാൾ സംയുക്തയാണ്. ചിത്രം തീയേറ്ററുകളിൽ വിജയകരമായി പ്രദർശനം തുടരുകയാണ്. കൂടാതെ പാർവതി നായികയായ ഉയരെയിലും സംയുക്ത മുഖ്യ കഥാപാത്രത്തെ അവതരിപ്പിച്ചിട്ടുണ്ട്.
Actress Samyuktha Menon lighting her mobile flash for fans selfie viral video..