തെന്നിന്ത്യൻ സിനിമാ ലോകത്ത് താര സുന്ദരിയായി നിറഞ്ഞാടിയ നടിയാണ് രംഭ. രംഭയുടെ ഭംഗി തൊണ്ണൂറുകളിൽ സിനിമാ ലോകത്തുണ്ടാക്കിയ തരംഗം ചെറുതല്ല. അതീവ ഗ്ലാമറസായി അഭിനയിക്കാൻ തയ്യാറായ രംഭ നിരവധി ഹിറ്റ് സിനിമകളിൽ നായികയായി. മീന, റോജ, സൗന്ദര്യ തുടങ്ങിയ നടിമാരെല്ലാം കരിയറിൽ തിളങ്ങി നിന്ന കാലഘട്ടമായിരുന്നു അത്. മലയാള ചിത്രം സർഗത്തിലാണ് രംഭ ആദ്യമായി അഭിനയിക്കുന്നത്. വലിയ മേക്കോവറാണ് തുടർന്നുള്ള സിനിമകളിൽ രംഭയ്ക്ക് വന്നത്.
അഭിനയിച്ച ഭാഷകളിലെല്ലാം സൂപ്പർസ്റ്റാറുകളുടെ നായികയായെത്താൻ രംഭയ്ക്ക് കഴിഞ്ഞു. രജിനികാന്ത്, കമൽ ഹാസൻ സൽമാൻ ഖാൻ, മമ്മൂട്ടി തുടങ്ങിയ താരങ്ങളുടെ നായികയായി രംഭ അഭിനയിച്ചിട്ടുണ്ട്. 2010 ൽ വിവാഹിതയായ ശേഷമാണ് രംഭ അഭിനയ രംഗം വിട്ടത്. ഇന്നും രംഭയെ മറക്കാൻ ആരാധകർക്ക് കഴിഞ്ഞിട്ടില്ല.
കഴിഞ്ഞ കുറിച്ച് ദിവസങ്ങളായി രംഭയുടെ കുടുംബ ജീവിതമാണ് സോഷ്യൽ മീഡിയയിലെ ചർച്ചാ വിഷയം. 2010 ൽ ആണ് രംഭ വിവാഹിതയായത്. മൂന്ന് മക്കളാണ് രംഭയ്ക്കുള്ളത്. കുടുംബത്തോടൊപ്പം കാനഡയിലാണ് നടി താമസിക്കുന്നത്. ബിസിനസുകാരനായ ഇന്ദ്രൻ പത്മനാഭനെയാണ് രംഭ ജീവിത പങ്കാളിയാക്കിയത്.
രംഭ ഭർത്താവുമായി വഴക്കിലാണെന്നും ഉടൻ ബന്ധം വേർപിരിയുമെന്നുമാണ് പ്രചരിച്ചിരുന്നത്. റിപ്പോർട്ടുകൾ പ്രകാരം മക്കളുമായി ബന്ധപ്പെട്ട കാര്യങ്ങളിലാണ് ഇവർ തമ്മിൽ അഭിപ്രായ വ്യത്യാസം ഉണ്ടായത്. കുട്ടികൾക്കൊപ്പം ഇന്ത്യയിലേയ്ക്ക് തിരിച്ച് വരണമെന്ന് രംഭ ആഗ്രഹിക്കുന്നുണ്ട്. എന്നാൽ യുഎസ്എയിലേയ്ക്ക് താമസം മാറാനാണ് ഇന്ദ്രകുമാർ താൽപര്യപ്പെടുന്നത്. ഇതാണ് ഇവർക്കിടയിൽ പ്രശ്നമായതെന്ന് റിപ്പോർട്ടുകളിൽ പറയുന്നു.
എന്നാൽ ഇപ്പോഴിതാ ഇത്തരം വാർത്തകളെ കുറിച്ച് പ്രതികരിച്ച് രംഗത്തെത്തിയിരിക്കുകയാണ് നടി. വിവാഹ മോചന വാർത്ത തെറ്റാണെന്ന് നടി വ്യക്തമാക്കി. ഇത്തരം വാർത്തകൾ ദുഖകരമാണ്. തന്നെക്കുറിച്ച് ചിന്തിക്കാതെയാണ് തെറ്റായ വാർത്തകളുണ്ടാക്കുന്നതെന്നും രംഭ വിമർശിച്ചു. അതേസമയം ചെറിയ ചില പ്രശ്നങ്ങളുണ്ടായിരുന്നെന്നും എല്ലാ ഭാര്യാ ഭർത്താക്കൻമാർ തമ്മിലുമുണ്ടാകുന്ന പ്രശ്നമാണതെന്നും രംഭ പറയുന്നുണ്ട്.
അടുത്തിടെ നൽകിയ അഭിമുഖത്തിൽ തന്റെ വിവാഹ ജീവിതത്തിലെ ആദ്യ നാളുകളെക്കുറിച്ച് രംഭ സംസാരിച്ചിരുന്നു. ആദ്യം തനിക്ക് പാചകം അറിയില്ലായിരുന്നു. എന്നാൽ പിന്നീട് പഠിച്ചു. ഭർത്താവ് എല്ലാ ഭക്ഷണവും കഴിക്കും. അഡ്ജസ്റ്റും ചെയ്യാൻ തയ്യാറാണ്.. ഇന്ന് അതില്ലേ ഇതില്ലേ എന്നൊന്നും ചോദിക്കില്ലെന്നും രംഭ അന്ന് വ്യക്തമാക്കി. സിനിമാ രംഗത്ത് നിന്നും വിട്ട് നിന്നതിനെക്കുറിച്ചും നടി സംസാരിച്ചു.
എനിക്കൊരു ഇടവേള വേണമായിരുന്നു. വിവാഹം ചെയ്ത് ഭർത്താവിനോടൊപ്പം ലോകം ചുറ്റാനായിരുന്നു ആഗ്രഹിച്ചത്. കുറച്ച് നാൾ അദ്ദേഹത്തിന്റെ കമ്പനിയിൽ ജോലി ചെയ്തു. വിവാഹ ശേഷം ഷോകൾ ചെയ്തെങ്കിലും കുട്ടികളുള്ളതിനാൽ ബുദ്ധിമുട്ടായായിരുന്നു.
കുട്ടികൾക്ക് ഏഴ് വയസ് വരെ മാതാപിതാക്കളുടെ സാമീപ്യം ആവശ്യമാണെന്നും അവർക്ക് വേണ്ടി സമയം മാറ്റി വെക്കാൻ താൻ തയ്യാറാവുകായിരുന്നെന്നും രംഭ അന്ന് വ്യക്തമാക്കി. ഇടയ്ക്കിടെ താരം ഭർത്താവിനും മക്കൾക്കുമൊപ്പം ഇന്ത്യയിലെത്താറുണ്ട്.
ആന്ധ്രാ സ്വദേശിനിയായ രംഭയുടെ യഥാർത്ഥ പേര് വിജയലക്ഷ്മി എന്നായിരുന്നു. സിനിമയിൽ എത്തിയ ശേഷമാണ് രംഭ എന്ന പേര് താരം സ്വീകരിച്ചത്. 2011ലായിരുന്നു താരത്തിന്റെ വിവാഹം. വിവാഹ ശേഷം രംഭ സിനിമയിൽ അധികം സജീവമായിരുന്നില്ല. ചില ചാനലുകളിലെ റിയാലിറ്റി ഷോകളിൽ രംഭ അതിന് ശേഷം ജഡ്ജ് ആയിട്ടുണ്ട്. പക്ഷേ സിനിമയിൽ പിന്നീട് അഭിനയിച്ചിട്ടില്ല. അഭിനയത്തിന് പുറമെ നിർമ്മാണത്തിലേക്കും ഇറങ്ങിയിട്ടുണ്ട് രംഭ. 2003 ൽ പുറത്തിറങ്ങിയ ത്രീറോസ് എന്ന ചിത്രമായിരുന്നു നടി നിർമ്മിച്ചത്.