കുമ്ബളങ്ങി നൈറ്റ്‌സ് എന്ന ഒറ്റ ചിത്രമാണ് ഗ്രേസ് ആന്റണി എന്ന നായികയെ ജനപ്രിയ താരമാക്കിയത്. സിനിമയില്‍ വെറുതെ നിഴലായി മാത്രം നില്‍ക്കുന്ന നായികയെ അവതരിപ്പിക്കാന്‍ തനിക്ക് താല്പര്യമില്ലെന്ന് താരം പറയുന്നു. വളരെ ആലോചിച്ചാണ് ഞാന്‍ കഥാപാത്രങ്ങളെ തെരഞ്ഞെടുക്കുന്നത്. വന്നു പോകുന്ന വേഷത്തെക്കാള്‍ എന്നിലെ അഭിനേത്രിക്ക് എന്തെങ്കിലും ചെയ്യാന്‍ കഴിയുന്ന റോളാണ് തിരഞ്ഞെടുക്കുക.
എന്നില്‍ ഒരു നടി മാത്രമല്ല അതിനും മുന്‍പേ ഒരു പ്രേക്ഷകയുണ്ട്. ഞാന്‍ തൃപ്തിപ്പെടുത്താന്‍ നോക്കുന്നത് എന്നിലെ പ്രേക്ഷകയെ തന്നെയാണ്. നമ്മള്‍ ഇഷ്ടപ്പെട്ടാല്‍ മാത്രമേ പ്രേക്ഷകര്‍ക്കും ആ കഥാപാത്രത്തെ ഇഷ്ടമാകൂ എന്നാണ് ഞാന്‍ ചിന്തിക്കുക. ഗ്രേസ് എന്ന യഥാര്‍ത്ഥ പേര് പലര്‍ക്കും അറിയില്ല. എല്ലാവര്‍ക്കും ഞാന്‍ സിമിയാണ്. ഞാന്‍ ചെയ്യുന്ന കഥാപാത്രങ്ങളുടെ പേരില്‍ അറിയാനാണ് എനിക്ക് താല്പര്യം’. ഗ്രേസ് പറയുന്നു.