ബിഗ് സ്‌ക്രീനിലൂടെയും മിനിസ്ക്രീനിലൂടെയും മലയാളികളുടെ ഹൃദയം കീഴടക്കിയ നടനാണ് കൃഷ്ണകുമാർ. കൃഷ്ണകുമാറിനെ മാത്രമല്ല ആ കുടുംബത്തിലെ എല്ലാവരെയും മലയാളികൾക്ക് സുപരിചിതമാണ്.
കുടുംബത്തിലെല്ലാവരും മീഡയയുമായി വളരെ അടുത്ത ബന്ധമാണ് ഉള്ളത്. അഭിനയിക്കാതെയും അഭിനയിച്ചുമൊക്കെയായി സുപരിചിതരാണ് എല്ലാവരും. യൂട്യൂബ് ചാനലിലൂടെയായി ഇവര്‍ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലാകാറുണ്ട്. “ഞങ്ങളുടെ തെങ്ങ് മുറിച്ചു” എന്ന തലവാചകത്തോടെയാണ് സിന്ധു കൃഷ്ണ പുതിയ വീഡിയോ പങ്കിട്ടിരിക്കുന്നത്.
അത് മണ്ട പോയ തെങ്ങായിരുന്നു. മുറിക്കുകയല്ലാതെ വേറൊരു ഓപ്ഷനുണ്ടായിരുന്നില്ല. അങ്ങനെയാണ് ഈ തീരുമാനമെടുത്തത്. അടുത്തയാഴ്ച ട്രിപ്പ് പോവുന്നുണ്ടെന്നും ഇഷാനിയുടേയും എന്റെയും പിറന്നാള്‍ വരുന്നുണ്ട്. എന്റെ പിറന്നാള്‍ സാധാരണ പോലൊരു ദിവസമായിരിക്കാനാണ് എനിക്കാഗ്രഹം. ഇഷാനിയുടെ പിറന്നാള്‍ എങ്ങനെയാണ് ആഘോഷിക്കുന്നതെന്ന് തീരുമാനിച്ചിട്ടില്ല. ഇടയില്‍ ഇഷാനി കൊണ്ടുതന്ന ആല്‍ബത്തിലെ ചിത്രങ്ങളും സിന്ധു കാണിക്കുന്നുണ്ട്.
ഇതിനിടയിലാണ് താനെങ്ങനെയാണ് മെലിഞ്ഞത് എന്നതിനെക്കുറിച്ച് കൃഷ്ണകുമാര്‍ വിശദീകരിക്കുന്നത്. വണ്ണം കുറയ്ക്കണമെന്ന് എല്ലാവരും ആഗ്രഹിക്കും. 92 കിലോയായിരുന്നു ഞാന്‍. ഓരോരോ പ്രശ്‌നങ്ങളുണ്ടായിരുന്നു. അങ്ങനെയാണ് ഡോക്ടറെ കണ്ടത്. വയറും തടിയും കുറച്ച് വരാനായിരുന്നു ഡോക്ടര്‍ നിര്‍ദേശിച്ചത്. എങ്ങനെ മെലിയാമെന്നായിരുന്നു പിന്നീട് ആലോചിച്ചത്. പട്ടിണി പോലെ അസിഡിറ്റി വരാതെ എങ്ങനെ തടി കുറക്കാമെന്നായിരുന്നു ഞാനാലോചിച്ചത്.
നോണ്‍ വെജ് ഒന്നും കഴിച്ചിരുന്നില്ല. ഭക്ഷണത്തില്‍ പഴങ്ങള്‍ കുറേ ഉള്‍പ്പെടുത്തി. സ്‌കിപ്പിംഗും ട്രഡ് മില്ലുമൊക്കെ ചെയ്യുമായിരുന്നു. ശരീരം തളരുന്ന പോലെയൊന്നും ചെയ്യില്ല. ശരിക്കും പറഞ്ഞാല്‍ പട്ടിണിയായിരുന്നു. ഇപ്പോ 85 ലേക്ക് മാറി.
നമുക്ക് ഇത് പറ്റും. അന്‍പത് വയസ് കഴിഞ്ഞാല്‍ വര്‍ക്കൗട്ടും ഡയറ്റുമൊന്നും നടക്കില്ലെന്ന് പറയുന്നത് വെറുതെയാണെന്നും കൃഷ്ണകുമാര്‍ പറഞ്ഞിരുന്നു. ഈ സമയത്ത് ചോറോ ഗോതമ്പോ ഒന്നും കഴിച്ചിരുന്നില്ലെന്നും അദ്ദേഹം വ്യക്തമാക്കിയിരുന്നു. നിരവധി പേരാണ് സിന്ധു കൃഷ്ണയുടെ വീഡിയോയ്ക്ക് താഴെ കമന്റ് ചെയ്തത്.
about krishna kumar