ജൂണ്‍ 26നാണ് അര്ജുന് കപൂറിന്റെ പിറന്നാള്‍. പിറന്നാൾ ആഘോഷത്തിനായി പാരീസിലേക്ക് പറന്നിരിക്കുകയാണ് അര്ജുന് കപൂറും കാമുകി മലൈക അറോറയും. ഇനി ഒരു മാസത്തിനു ശേഷമാകും ഇവര്‍ തിരിച്ചെത്തുക.
അർജുൻ കപൂറും മലൈക അറോറയും തമ്മിലുള്ള പ്രണബന്ധം ഉടൻ വിവാഹത്തിലെത്തുമെന്നും ഇവരോട് അടുത്തവൃത്തങ്ങൾ സൂചന നൽകിയിരുന്നു. വിവാഹം ഈ വർഷം അവസാനം ഉണ്ടായേക്കും.
പ്രായവ്യത്യാസത്തെചൊല്ലി ഇരുവര്‍ക്കുമെതിരെ വലിയ വിമര്‍ശനങ്ങളാണ് ഉയര്‍ന്നുവന്നത്. 2019ലാണ് സോഷ്യല്‍മീഡിയയിലൂടെ ഇരുവരും പ്രണയം തുറന്ന് പറഞ്ഞത്. 48കാരിയാണ് മലൈക, 36 വയസ്സാണ് അര്ജുന്. ഈ പ്രായവ്യത്യാസത്തെ ചൊല്ലിയുള്ള ട്രോളുകളോട് അടുത്തിടെ രൂക്ഷമായ ഭാഷയില്‍ അര്ജുന് മറുപടി നല്‍കുകയും ചെയ്തിരുന്നു.
1998 ലാണ് ബോളിവുഡ് നടന്‍ അർബാസ് ഖാനെ മലൈക വിവാഹം ചെയ്യുന്നത്. ഈ ദാമ്പത്യത്തിൽ ഇവർക്ക് അർഹാൻ എന്നൊരു മകനുണ്ട്. 48 കാരിയായ മലൈക 2016 ൽ അർബാസ് ഖാനിൽ നിന്നു വിവാഹമോചനം നേടിയിരുന്നു. ഇതിനുപിന്നാലെ മലൈക മുപ്പത്തിനാലുകാരനായ അർജുനുമായി ലിവിങ് റിലേഷനിലാണെന്ന തരത്തിൽ വാർത്തകൾ പ്രചരിക്കാനും തുടങ്ങി. അർബാസ് ഖാനും മലൈക അരോറയും വിവാഹമോചിതരാകാൻ പ്രധാനകാരണം നടിക്ക് അർജുൻ കപൂറുമായുള്ള ബന്ധമാണെന്ന് റിപ്പോർട്ട് ഉണ്ടായിരുന്നു. ഈ വിഷയത്തിൽ പ്രതികരണവുമായി ആരും രംഗത്തെത്തിയതുമില്ല. ഇരുവരുടെയും പ്രായവ്യത്യാസത്തെ ചൊല്ലിയും ഏറെ വിമർശനം ഉണ്ടായിരുന്നു.