തന്റെ വീട്ടിലെ ജോലിക്കാരിയുടെ മകന്റെ വിവാഹം നടത്തികൊടുത്ത് ചിയാൻ വിക്രം.വിക്രമിന്റെ വീട്ടിൽ ജോലി ചെയ്ജ് വരികെ അടുത്തിടെ മരിച്ച ഒഴിമാരൻ എന്നയാളുടെ മകന്റെ വിവാഹച്ചടങ്ങിലാണ് വിക്രം പങ്കെടുത്തത്.
ഭാര്യ മേരിയും നാൽപ്പതു വർഷത്തിലേറെയായി വീട്ടിൽ ജോലി ചെയ്യുന്നു. ഇവരുടെ മകന്റെ വിവാഹമാണ് താരം മുൻകൈയെടുത്ത് നടത്തിയത്. തിരുപ്പൂരിലെ കന്തസ്വാമി ക്ഷേത്രത്തിലായിരുന്നു ചടങ്ങുകൾ. ഇരുവർക്കും താലി എടുത്ത് നൽകിയതും വിക്രമായിരുന്നു. വിക്രത്തിന്റെ ആരാധകരും താരത്തിന്റെ ഫാൻസ് ക്ലബ് അംഗങ്ങളും വിവാഹത്തിൽ പങ്കെടുത്തു. വിവാഹ ചിത്രങ്ങൾ സോഷ്യൽ മീഡിയയിൽ വൈറലാവുന്നു
ആരാധകരും ചിയാൻ വിക്രവും തമ്മിലുള്ള സ്നേഹ പ്രകടനങ്ങളും സെൽഫിയും പല തവണ വാർത്തയായിട്ടുണ്ട്. സ്വന്തം കുടുംബാംഗങ്ങളിലെ ഒരാളെപ്പോലെയാണ് അദ്ദേഹം ആരാധകരെ കാണുന്നത്
ഈയിടെ തന്നെ കാണണമെന്ന് പറഞ്ഞ കേരളത്തിൽ നിന്നുള്ള ഒരാരാധകനെ വിക്രം സന്ദർശിച്ചതും ഇതിന്റെ വീഡിയോ താരം തന്നെ പോസ്റ്റ് ചെയ്തതും വാർത്തയായിരുന്നു.