കങ്കണ റണാവത് ജയലളിതയായി എത്തുന്ന ചിത്രം തലൈവി നെറ്റ്ഫ്ലിക്സും ആമസോണും സ്വന്തമാക്കിയത് റെക്കോര്‍ഡ് തുകയ്ക്കാണ്.പ്രദര്‍ശനത്തിന് ഒരുങ്ങിയ ചിത്രം കോവിഡ് 19 ലോക്ക്ഡൗണിനെ തുടര്‍ന്ന് റിലീസ് മാറ്റിവെക്കുകയായിരുന്നു. മറ്റു പല ബോളിവുഡ് ചിത്രങ്ങള്‍ക്കും പിന്നാലെ തലൈവിയും ഒടിടി റിലീസ് ചെയ്യും എന്ന് അഭ്യൂഹങ്ങളുണ്ടായിരുന്നു.
എന്നാൽ ഇതിന് പിന്നാലെയാണ് 55 കോടി രൂപയ്ക്ക് ആമസോണും നെറ്റ്ഫ്ലിക്സും ചിത്രം വാങ്ങിയത്. ചിത്രം ബിഗ്സ്ക്രീനില്‍ തന്നെ റിലീസ് ചെയ്യുമെന്നാണ് പുതിയ റിപ്പോര്‍ട്ടുകള്‍.
ബഹുഭാഷാ ചിത്രമായ തലൈവി ഏറെ മുതല്‍ മുടക്കി ഒരുക്കിയ ചിത്രമാണ്. കങ്കണയുടെ കരിയറിലെ മികച്ച ചിത്രങ്ങളിലൊന്നാകും തലൈവിയും എന്നാണ് അണിയറ പ്രവര്‍ത്തകരുടെ പ്രതീക്ഷ. സിനിമയ്ക്കായി ഏറെ തയ്യാറെടുപ്പുകളും താരം നടത്തിയിരുന്നു.
about thalaivi movie