നടന്‍ ഷെയിന്‍ നിഗം വിഷയം വീണ്ടും നിർണായക വഴിത്തിരിവിലേക്ക്. വിലക്ക് നീക്കാനുള്ള ഒത്തുതീര്‍പ്പ് ചര്‍ച്ചകള്‍ക്ക് കര്‍ശന ഉപാധി വെച്ച് പ്രൊഡ്യൂസേഴ്സ് അസോസിയേഷന്‍ പുതിയ തീരുമാനം അറിയിച്ചു . ഉല്ലാസം എന്ന ചിത്രത്തിലെ ഡബ്ബിംഗ് മൂന്നു ദിവസത്തിനകം പൂര്‍ത്തിയാക്കണം എന്നാണ് പ്രൊഡ്യൂസേഴ്സ് അസോസിയേഷന്‍ നിര്‍ദ്ദേശിച്ചിരിക്കുന്നത്.
തുടര്‍ചര്‍ച്ചകള്‍ നടത്തണമെങ്കില്‍ മൂന്ന് ദിവസത്തിനുള്ളില്‍ ഡബ്ബിംഗ് പൂര്‍ത്തിയാക്കണമെന്നും നിര്‍മ്മാതാക്കളുടെ സംഘടന മുന്നറിയിപ്പ് നല്‍കിയിട്ടുണ്ട്. കഴിഞ്ഞ മാസം 19 -ാം തിയതിയില്‍ വിലക്കുമായി ബന്ധപ്പെട്ട് നടന്ന ചര്‍ച്ചയിലാണ് പ്രൊഡ്യൂസേഴ്സ് അസോസിയേഷന്‍ തീരുമാനം അറിയിച്ചത്.
യോഗത്തില്‍ ഉല്ലാസം സിനിമയുടെ ഡബ്ബിംഗിന്റെ കാര്യത്തില്‍ തീരുമാനം എടുക്കുകയും എത്രയും വേഗം വര്‍ക്ക് പൂര്‍ത്തിയാക്കാനും നിര്‍ദേശം നല്‍കിയിട്ടുണ്ട്.
about shane nigam