മലയാളി മിനിസ്ക്രീൻ പ്രേക്ഷകരുടെ റോമാന്റിക് താരദമ്പതികളാണ് പേര്ളി മാണിയും ശ്രീനിഷ് അരവിന്ദും. ഇരുവരുടെയും പ്രണയത്തിനും,വിവാഹത്തിനും ശേഷം ആരാധകരേറെയാണ്.താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് പ്രേക്ഷകർ.തിരക്കുകൾക്കിടയിലും തങ്ങളുടെ വിശേഷങ്ങൾ ഇരുവരും പങ്കുവെക്കാറുണ്ട്.ഇപ്പോഴിതാ പുതിയ ചിത്രവും അതിനൊപ്പമുള്ള കുറിപ്പുമാണ് എത്തിയിരിക്കുന്നത്.
കഴിഞ്ഞ നാളുകളിൽ സാമൂഹ്യ മാധ്യമങ്ങളിൽ സംസാര വിഷയം അവതാരകനും,നടനുമായ ആദില് ഇബ്രാഹിമിന്റെ വിവാഹ വാർത്തയായിരുന്നു. പേര്ളിയുടെ അടുത്ത സുഹൃത്തു കൂടെയായ നടന്റെ ചടങ്ങിൽ പങ്കെടുക്കാന് പേളിയും, ശ്രീനിഷും എത്തിയിരുന്നു. വിവാഹ വിരുന്നില് മിന്നിയതും ഈ താരദമ്പതികളാണ്. ഇപ്പോഴിതാ ചടങ്ങിൽ നിന്നുമെടുത്ത ഫോട്ടോ പോസ്റ്റ് ചെയിതിരിക്കുകയാണ് പേര്ളി. ഇരുവരും ഒന്നിച്ച് നില്ക്കുന്ന സാധാരണ ചിത്രമാണെങ്കിലും അതിലെ ക്യാപ്ഷൻ ആണ് കൂടുതൽ മനോഹരമാക്കിയത്.
വിവാഹത്തെ കുറിച്ചാണ് താരം പറയുന്നത്.”വിവാഹം വൈന് പോലെയാണെന്നും,അത് കാലത്തിനനുസരിച്ച് വളര്ന്ന് സമ്പന്നമായി കൊണ്ടിരിക്കും എന്നാണ് ചിത്രത്തിന് ക്യാപ്ഷന് കൊടുത്തിരിക്കുന്നത്. പേര്ളിയുടെ പോസ്റ്റിനു താഴെ ഷിയാസ് കരീം അടക്കമുള്ള ബിഗ് ബോസ് താരങ്ങളും ആരാധകരും രസകരമായ കമന്റുമായി എത്തിയിരിക്കുകയാണ്.
അടുത്തിടെ ശ്രീനിഷും പേര്ളിയ്ക്കൊപ്പമുള്ള ചിത്രം പങ്കുവെച്ചത് സോഷ്യൽ മീഡിയയിൽ വൈറലായി മാറിയിരുന്നു.”സന്തുഷ്ടയായ ഭാര്യയുള്ളത് സന്തോഷകരമായ ജീവിതമാണെന്നും,അവളുടെ മുഖത്തെ തിളക്കം എന്റെ ഹൃദയത്തിന്റെ പ്രതിഫലനമാണെന്നും ” താരം കുറിച്ചു . നിലവില് ബോളിവുഡ് സിനിമയില് അഭിനയിച്ച് കൊണ്ടിരിക്കുകയാണ് പേര്ളി. അതിനൊപ്പം തമിഴില് ഒരു ടെലിവിഷന് റിയാലിറ്റി ഷോ യില് അവതാരകയുമാണ്. ശ്രീനിഷ് മലയാളത്തിൽ സീരിയലില് നായകനായും മോഡലായും തിളങ്ങുകയാണ്.
about pearle maaney