മലയാള ചലച്ചിത്രലോകത്തെ അഭിനയ കുലപതിമാരിൽ ഒരാളാണ് മമ്മൂക്ക. അദ്ദേഹത്തിൻ്റെ അഭിനയ മികവിനെക്കുറിച്ച് ആർക്കും ഒരു സംശയത്തിനും ഇടയില്ല. വില്ലനായാണ് അദ്ദേഹം സിനിമാ ലോകത്തെത്തിയത്. അഭിനയമോഹം കലശലായി മാറിയതിന് പിന്നാലെയായാണ് നിര്‍ണ്ണായകമായ തീരുമാനവുമായി അദ്ദേഹമെത്തിയത്. ശക്തമായ പ്രതിസന്ധികളിലൂടെയായിരുന്നു അദ്ദേഹം തുടക്കകാലത്ത് കടന്നുപോയത്. കരിയര്‍ അവസാനിച്ചുവെന്ന തരത്തിലുള്ള വിലയിരുത്തലുകളായിരുന്നു ഒരിടയ്ക്ക് പുറത്തുവന്നത്. ആ വെല്ലുവിളിയെ അതിജീവിച്ചായിരുന്നു താരം മുന്നേറിയത്. സിനിമകള്‍ ഗംഭീരവിജയം നേടിയെന്ന് മാത്രമല്ല പില്‍ക്കാലത്ത് ബോക്‌സോഫീസ് ഹിറ്റുകളായി മാറുകയുമായിരുന്നു. അദ്ദേഹത്തിന്റെ കരിയര്‍ ബ്രേക്കുകളായി മാറിയ ചിത്രങ്ങളില്‍ ഇത്തരം സിനിമകളും ഇടം പിടിച്ചിരുന്നു.
ബോക്‌സോഫീസിലെ താരരാജാവായി മോഹന്‍ലാല്‍ വളര്‍ന്നപ്പോള്‍ ഒപ്പത്തിനൊപ്പമായി മമ്മൂട്ടിയും എത്തുകയായിരുന്നു. ഒരേ സമയത്ത് സിനിമയിലെത്തിയ ഇരുവരും പില്‍ക്കാലത്ത് മലയാള സിനിമയെ അടക്കിഭരിക്കാന്‍ കെല്‍പ്പുള്ളവരായി മാറുകയായിരുന്നു. വൈവിധ്യമാര്‍ന്ന സിനിമകളുമായാണ് ഇവരെത്താറുള്ളത്. ഇടയ്ക്ക് ഒരുമിച്ച് അഭിനയിച്ചും അതിഥികളായെത്തിയുമൊക്കെ ഇരുവരും വിസ്മയിപ്പിച്ചിരുന്നു. യുവതാരനിരയില്‍ പലരും മാതൃകയായി വിശേഷിപ്പിക്കാറുള്ളതും അദ്ദേഹത്തെയാണ്. മമ്മൂട്ടിക്ക് പിന്നാലെയായാണ് മകനായ ദുല്‍ഖര്‍ സല്‍മാനും സിനിമയിലേക്ക് എത്തിയത്.
കൈനിറയെ സിനിമകളുമായാണ് മമ്മൂട്ടി മുന്നേറുന്നത്. നിരവധി സിനിമകളിലാണ് അദ്ദേഹം ഒരേ സമയത്ത് അഭിനയിക്കാറുള്ളത്. പ്രമേയത്തിലെ പ്രത്യേകതയാണ് തന്നെ ആകര്‍ഷിക്കുന്നതെന്ന് മുന്‍പൊരു അഭിമുഖത്തിനിടയില്‍ അദ്ദേഹം തുറന്നുപറഞ്ഞിരുന്നു. ഇത്രയധികം സിനിമകള്‍ എങ്ങനെ ചെയ്തുതീര്‍ക്കുമെന്ന അമ്പരപ്പാണ് ആരാധകര്‍ക്ക്. ഏറ്റെടുത്ത മുറയ്ക്കായി മമ്മൂട്ടി സിനിമകള്‍ ചെയ്തുതീര്‍ക്കാറുമുണ്ട്. മലയാളത്തില്‍ മാത്രമല്ല തമിഴിലും തെലുങ്കിലുമൊക്കെ അദ്ദേഹം സാന്നിധ്യം അറിയിച്ചിട്ടുണ്ട്.
മമ്മൂട്ടിയുടെ സൗന്ദര്യരഹസ്യം ഇന്നും ഉത്തരംകിട്ടാ സമസ്യയാണ്. ആരാധകര്‍ മാത്രമല്ല താരങ്ങളും ഈ ചോദ്യം അദ്ദേഹത്തോട് ഉന്നയിച്ചിരുന്നു. പുഞ്ചിരിയോടെ കേട്ടുനില്‍ക്കുകയെന്നല്ലാതെ കൃത്യമായൊരു മറുപടി അദ്ദേഹം നല്‍കാറില്ല. മമ്മൂട്ടി എങ്ങനെയാണ് ഈ പ്രായത്തിലും ഇത്രയധികം സിനിമകള്‍ ചെയ്യാന്‍ എനര്‍ജി നിലനിര്‍ത്തുന്നതെന്ന തരത്തിലുള്ള ചോദ്യം അദ്ദേഹത്തിന് നേരെ ഉയര്‍ന്നിരുന്നു. ഒരുപരിപാടിക്കിടെയാണ് അദ്ദേഹത്തിൻ്റെ ആരാധകർ ഇതേക്കുറിച്ച് ചോദിച്ചത്. നിങ്ങളെപ്പോലുള്ള ആരാധകര്‍ ഉള്ളതാണ് എന്റെ എനര്‍ജി. നിങ്ങളുടെ സ്‌നേഹവും ആരാധനയുമാണ് തന്നെ നയിക്കുന്നതെന്നും അദ്ദേഹം പറഞ്ഞു. എന്നും ആരാധകർക്കൊപ്പം അവരിലൊരാളായാണ് മമ്മൂക്ക നിലകൊള്ളുന്നത്. അതിനാൽ അദ്ദേഹത്തിൻ്റെ ഈ ഉത്തരം പ്രേക്ഷകർക്കും സന്തോഷം നൽകുന്നതാണ് .
about mammootty