ബോളിവുഡ് താരം സഞ്ജയ് ദത്ത് ഇന്ന് ജന്മദിനം ആഘോഷിക്കുകയാണ്. ഈ അവസരത്തില്‍ ‘കെ.ജി.എഫ്: ചാപ്റ്റര്‍ 2’ അണിയറ പ്രവര്‍ത്തകര്‍ ഒരു സ്പെഷ്യല്‍ പോസ്റ്റര്‍ പുറത്തിറക്കിയിരിക്കുകയാണ്. ഒരു പ്രത്യേക ഹെയര്‍ സ്റ്റൈലിലാണ് താരത്തെ പോസ്റ്ററില്‍ കാണാനാകുക.
അധീര എന്ന വില്ലന്‍ കഥാപാത്രത്തെയാണ് ദത്ത് അവതരിപ്പിക്കുന്നത്. റോക്കിംഗ് സ്റ്റാര്‍ യാഷിന്‍റെ, ‘കെജിഎഫ് 2’വിനായി ആരാധകരും ആവേശത്തോടെ കാത്തിരിക്കുകയാണ്.
അതേസമയം രണ്ടാം ഭാഗത്തില്‍ പുതിയ അഭിനേതാക്കള്‍ എത്തുന്നുണ്ട്. നടി രവീണ ടണ്ടന്‍ ഇന്ത്യന്‍ പ്രധാനമന്ത്രിയുടെ വേഷത്തിലാണ് ഈ ചിത്രത്തില്‍ എത്തുന്നത്. മുന്‍ പ്രധാനമന്ത്രി ഇന്ദിരാഗാന്ധിയാണ് ഈ കഥാപാത്രത്തിന് പ്രചോദനമായത്. ശ്രീനിധി ഷെട്ടി, അനന്ത് നാഗ്, റാവു രമേശ്, അച്യുത് കുമാര്‍, വസിഷ്ഠ എന്‍ സിംഹ, മാളവിക അവിനാശ് എന്നിവരും ചിത്രത്തിന്റെ ഭാഗമാണ്.
about kgf movie