മലപ്പുറത്ത് ദേശാഭിമാനി സംഘടിപ്പിച്ച പുസ്തക പ്രകാശന ചടങ്ങില്‍ സംസാരിച്ച്‌ കൊണ്ട് മുഖ്യമന്ത്രി പറഞ്ഞ വാക്കുകളാണ് ഇപ്പോൾ വൈറലാകുന്നത്. സിനിമകളില്‍ ചിലര്‍ മലപ്പുറത്തെ വികൃതമായി ചിത്രീകരിച്ചെന്ന് മുഖ്യമന്ത്രി പിണറായി വിജയന്‍. ഹിന്ദുത്വ വര്‍ഗീയ പ്രചാരണത്തിന്റെ ഭാഗമാണതെന്നും അത്തരം പ്രചാരണം നടത്തുന്നവര്‍ അതില്‍ നിന്ന് പിന്മാറണമെന്നും അദ്ദേഹം പറഞ്ഞു.
നിഷ്‌ക്കളങ്കരായ മനുഷ്യരുടെ നാടാണ് മലപ്പുറം. ജന മനസ്സുകളുടെ ഒരുമയാണ് ഇവിടെയുള്ളത്. മതനിരപേക്ഷതയുടെ നാടാണ് മലപ്പുറമെന്നും മുഖ്യമന്ത്രി പറഞ്ഞു. മുസ്‌ലിം ലീഗുമായി സിപിഐഎമ്മിനുണ്ടായിരുന്ന പഴയ ബന്ധവും മുഖ്യമന്ത്രി ഓര്‍മ്മിപ്പിച്ചു. 60കളില്‍ ലീഗുമായി സഹകരിക്കുന്ന ഒരു കാലം ഉണ്ടായിരുന്നു. അന്ന് പലരും അപേക്ഷിച്ചു. ആരാണ് അന്ന് എന്ന് ഇപ്പോള്‍ പറയുന്നില്ലെന്നും മുഖ്യമന്ത്രി പറഞ്ഞു. മുഖ്യമന്ത്രിയില്‍ നിന്ന് പുസ്തകം ഏറ്റുവാങ്ങിയത് മുസ്‌ലിം ലീഗ് എംഎല്‍എ പി ഉബൈദുള്ളയാണ്.