വിവാഹശേഷം ഹണിമൂണാഘോഷത്തിലാണ് താരങ്ങൾ. പേളിയുടെയും ശ്രീനിയുടെയും മുഖത്തെ ഈ സന്തോഷം എന്നും അത് പോലെ നിലനില്‍ക്കട്ടെയെന്നുമാണ് ആരാധകര്‍ക്ക് പറയാനുള്ളത്. ബിഗ് ബോസിലൂടെയാണ് പേളിയും ശ്രീനിയും കണ്ടുമുട്ടിയതും ആ സൗഹൃദമാണ് പ്രണയത്തിലേക്കും പിന്നീട് വിവാഹത്തിലേക്കും എത്തിയതും. വിവാഹത്തിന് ശേഷവും ഇവരുടെ വിശേഷങ്ങളെക്കുറിച്ച്‌ അറിയാനായി കാത്തിരിക്കുകയാണ് ആരാധകര്‍. പേളിഷ് , ശ്രിനിഷ് ആര്‍മി ഗ്രൂപ്പുകള്‍ ഇപ്പോഴും സജീവമാണ്. ഇവരുടെ ഭാവി പരിപാടികളെക്കുറിച്ചറിയാനും പേളിയെ വീണ്ടും സ്‌ക്രീനില്‍ കാണാനുമായുള്ള കാത്തിരിപ്പിലുമാണ് ആരാധകര്‍. പേളിയുടെ ജീവിതത്തിലെ വലിയ ആഗ്രഹങ്ങളിലൊന്നാണ് ഹിമാലയന്‍ യാത്രയെന്നും അത് സഫലീകരിച്ചതിന്റെ സന്തോഷത്തിലാണ് തങ്ങള്‍ ഇരുവരുമെന്ന് വ്യക്തമാക്കിയെത്തിരിക്കുകയാണ് ശ്രിനിഷ് അരവിന്ദ്. വിവാഹ ശേഷമുള്ള ഓരോ നിമിഷവും ഇരുവരും ആസ്വദിക്കുകയാണ്. വിവാഹത്തിന്റെ ചിത്രങ്ങളും വീഡിയോയുമെല്ലാം സോഷ്യല്‍ മീഡിയയിലൂടെ തരംഗമായി മാറിയിരുന്നു.
വിവാഹത്തിന് ശേഷമുള്ള വിശേഷങ്ങളെല്ലാം പങ്കുവെച്ച്‌ ഇരുവരും സജീവമായി എത്തുന്നുണ്ട്. അതിനിടയിലാണ് ശ്രീനി പേളിയെക്കുറിച്ച്‌ വാചാലനായി എത്തിയിട്ടുള്ളത്. സോഷ്യല്‍ മീഡിയയിലൂടെ നിമിഷനേരം കൊണ്ടാണ് ഇത്തരത്തിലുള്ള വിശേഷങ്ങള്‍ വൈറലായി മാറുന്നത്. വിവാഹത്തിന് ശേഷമുള്ള ആദ്യ പിറന്നാളില്‍ പേളിക്ക് സര്‍പ്രൈസൊരുക്കി ശ്രീനിയെത്തിയിരുന്നു.