കേരളത്തെ ഞെട്ടി വിറപ്പിച്ച ദിവസങ്ങളാണ് ഇപ്പോൾ കടന്നുപോകുന്നത്. മുണ്ട‌കൈയിലും ചൂരല്‍മലയിലുമായി ഉണ്ടായ ഉരുള്‍പൊട്ടലില്‍ 164 പേർ മരിച്ചു. ഒട്ടേറെപേരെ കാണാതായി. മരണസംഖ്യ ഇനിയും ഉയരാനാണ് സാധ്യത. ഇപ്പോഴിതാ മമ്മൂട്ടിയും മോഹന്‍ലാലും തങ്ങളുടെ സാമൂഹ്യമാധ്യമ അക്കൗണ്ടുകളിലൂടെ ജാഗ്രത നിര്‍ദേശം പങ്കുവെച്ച് രംഗത്തെത്തിയിരിക്കുകയാണ്. കനത്ത മഴയും പ്രകൃതിക്ഷോഭവും തുടരുന്ന സാഹചര്യത്തിൽ സുരക്ഷയും ജാഗ്രതയും പാലിക്കാൻ ശ്രമിക്കണമെന്നും സർക്കാർ നിർദ്ദേശങ്ങൾ പൂർണ്ണമായും പാലിക്കുകയും യാത്രകൾ പരമാവധി ഒഴിവാക്കുകയും തെറ്റായ വാർത്തകൾ അറിയാതെ പോലും പ്രചരിപ്പിക്കാതിരിക്കാൻ ശ്രദ്ധിക്കണമെന്നും പോസ്റ്റില്‍ പറയുന്നുണ്ട്. വയനാട്ടിലെ സഹോദരങ്ങൾക്കായി പ്രാർഥനയോടെ എന്നെഴുതിയാണ് ഇരുവരും പോസ്റ്റ് അവസാനിപ്പിക്കുന്നത്. കൺട്രോൾ റൂം ഫോൺ നമ്പറുകളും പോസ്റ്റിനൊപ്പം ചേര്‍ത്തിട്ടുണ്ട്.
Merlin Antony
in News