Connect with us

യാഷ് 19; യാഷിന്റെ അടുത്ത ചിത്രം സംവിധാനം ചെയ്യുക ഗീതു മോഹന്‍ദാസ്?; റിപ്പോര്‍ട്ടുകള്‍ ഇങ്ങനെ!

News

യാഷ് 19; യാഷിന്റെ അടുത്ത ചിത്രം സംവിധാനം ചെയ്യുക ഗീതു മോഹന്‍ദാസ്?; റിപ്പോര്‍ട്ടുകള്‍ ഇങ്ങനെ!

യാഷ് 19; യാഷിന്റെ അടുത്ത ചിത്രം സംവിധാനം ചെയ്യുക ഗീതു മോഹന്‍ദാസ്?; റിപ്പോര്‍ട്ടുകള്‍ ഇങ്ങനെ!

കെജിഎഫ് എന്ന ബ്രഹ്മാണ്ഡ ഹിറ്റിന് ശേഷം യാഷിന്റെ അടുത്ത ചിത്രത്തിനായുള്ള കാത്തിരിപ്പിലാണ് ആരാധകര്‍. ഇപ്പോള്‍ യാഷ് 19 എന്നാണ് അനൗദ്യോഗികമായി യാഷിന്റെ അടുത്ത ചിത്രത്തെ ആരാധകരും സിനിമ രംഗവും വിളിക്കുന്നത്. എന്നാല്‍ കന്നട സിനിമ രംഗത്ത് നിന്നും വരുന്ന ഏറ്റവും പുതിയ ചില അഭ്യൂഹങ്ങള്‍ പ്രകാരം യാഷ് മലയാളി സംവിധായിക ഗീതു മോഹന്‍ദാസുമായി ചേര്‍ന്ന് ഒരു ചിത്രം ചെയ്യും എന്ന വിവരങ്ങള്‍ പുറത്തുവരുന്നുണ്ട്.

‘യഷും ഗീതു മോഹന്‍ദാസും കഴിഞ്ഞ ഒരു വര്‍ഷമായി ഒന്നിച്ച് പ്രവര്‍ത്തിക്കുന്നതിനെ സംബന്ധിച്ച് ചര്‍ച്ച ചെയ്യുകയാണ്. ഗീതു അവതരിപ്പിച്ച ആശയത്തില്‍ യാഷ് തൃപ്തനാണ്’ ഇതുമായി ബന്ധപ്പെട്ട അടുത്ത വൃത്തത്തെ ഉദ്ധരിച്ചുള്ള റിപ്പോര്‍ട്ടുകള്‍. യാഷിന് അടുത്തകാലത്ത് ലഭിച്ച ഏറ്റവും ശക്തമായ തിരക്കഥയായിരിക്കും ചിത്രത്തിന്റെയെന്നും റിപ്പോര്‍ട്ടില്‍ പറയുന്നു.

നേരത്തെ യാഷ് കെവിഎന്‍ പ്രൊഡക്ഷനുമായി സഹകരിക്കും എന്ന വാര്‍ത്തകള്‍ വന്നിരുന്നു. പുതിയ പ്രൊജക്ട് അവര്‍ തന്നെയായിരിക്കുമോ നിര്‍മ്മിക്കുക എന്ന് വ്യക്തമല്ല. അതേസമയം ഒടിടി പ്ലേ റിപ്പോര്‍ട്ട് പ്രകാരം യാഷും ഗീതു മോഹന്‍ദാസും അടുത്ത 15 ദിവസത്തിനുള്ളില്‍ കാര്യങ്ങള്‍ അന്തിമഘട്ടത്തില്‍ എത്തിക്കുമെന്നും.

ഒരു മാസത്തിനുള്ളില്‍ പ്രഖ്യാപനം വന്നേക്കാമെന്നും പറയുന്നു. ചിത്രം കന്നടയിലാണോ അതോ വിവിധ ഭാഷകളിലാണോ ചിത്രീകരിക്കുക തുടങ്ങിയ കാര്യങ്ങള്‍ വ്യക്തമല്ല. അതേസമയം നേരത്തെ യാഷിന്റെ അടുത്ത പ്രൊജക്ടില്‍ യാഷ് തന്നെ സംവിധായകനാകുമെന്ന് കന്നട സിനിമ രംഗത്ത് ഊഹാപോഹങ്ങള്‍ ഉയരുന്നിരുന്നു.

ഇത് ശരിയായാല്‍ അത് വന്‍ സര്‍െ്രെപസ് ആയിരിക്കും സിനിമ മേഖലയ്ക്ക് എന്നായിരുന്നു അന്ന് വന്ന വാര്‍ത്ത. ലയേഴ്‌സ് ഡൈസ്, മൂത്തോന്‍ തുടങ്ങിയ സിനിമകള്‍ സംവിധാനം ചെയ്ത സംവിധായികയാണ് ഗീതു മോഹന്‍ദാസ്. നടിയെന്ന നിലയിലും ശ്രദ്ധേയ ആയിരുന്നു. പ്രശസ്ത സംവിധായകനും ഛായഗ്രാഹകനുമായി രാജീവ് രവിയുടെ ഭാര്യ കൂടിയാണ് ഗീതു.

More in News

Trending

Recent

To Top