അത് കള്ളമാണ് … കമ്മ്യൂണിസ്റ്കാരെ കുറിച്ച് ഞാൻ അങ്ങനെ പറഞ്ഞിട്ടില്ല ! വിനീത് ശ്രീനിവാസൻ

അത് കള്ളമാണ് … കമ്മ്യൂണിസ്റ്കാരെ കുറിച്ച് ഞാൻ അങ്ങനെ പറഞ്ഞിട്ടില്ല ! വിനീത് ശ്രീനിവാസൻ

ശ്രീനിവാസൻ മകൻ വിനീതിന് നൽകിയ ഉപദേശമെന്ന പേരിൽ ഒരു പ്രസ്താവന സമൂഹമാധ്യമങ്ങളിൽ വൈറൽ ആയിരുന്നു. ഇപ്പോൾ അതിന്റെ സത്യാവസ്ഥ വ്യക്തമാക്കി വിനീത് രംഗത്തെത്തിയിരിക്കുകയാണ്.
കമ്മ്യൂണിസ്റ്റ് ആയി ജീവിക്കരുതെന്നും തനിക്ക് പറ്റിയ തെറ്റ് അതാണെന്നും ശ്രീനിവാസന്‍ വിനീതിനെ ഉപദേശിച്ചിരുന്നു എന്ന തരത്തിലാണ് പോസ്റ്റുകള്‍ വ്യാപകമായി പ്രചരിച്ചിരുന്നത്.

തന്റെ അച്ഛന്‍ കമ്മ്യൂണിസ്റ്റ് ആകരുതെന്ന് ഒരിക്കലും തന്നോട് പറഞ്ഞിട്ടില്ലെന്നും അത്തരത്തില്‍ പ്രചരിക്കുന്നത് 100 ശതമാനവും അസത്യമാണെണെന്നും വിനീത് ഫെയ്‌സ്ബുക്കിലൂടെ വ്യക്തമാക്കി.

ഇത് വ്യാജമാണ് 100% വ്യാജം. മുന്‍പും ഈ പോസ്റ്റ് സാമൂഹ്യമാധ്യമങ്ങളിലൂടെ പ്രചരിച്ചിരുന്നു. ഇപ്പോള്‍ അത് വീണ്ടും പ്രചരിക്കുകയാണ്. പലരും ഇതിനെക്കുറിച്ച് ചോദിച്ച് സന്ദേശം അയക്കുന്നത് കൊണ്ടാണ് ഇവിടെ ഞാന്‍ ഇത് വിശദീകരിക്കുന്നത്. ഞാന്‍ അങ്ങനെ പറഞ്ഞിട്ടില്ല. കുറച്ച് വര്‍ഷങ്ങള്‍ക്ക് മുന്‍പ് അച്ഛന്‍ ഈ വ്യാജപ്രചരണങ്ങള്‍ക്കെതിരേ പോലീസില്‍ പരാതിപ്പെട്ടിരുന്നു. ഇതോടെ ഞാന്‍ ഈ വിഷയത്തില്‍ വ്യക്തത നല്‍കിയെന്ന് കരുതുന്നു. വിനീത് കുറിച്ചു.

രണ്ട് വര്‍ഷം മുമ്പ് ഇത്തരത്തില്‍ പോസ്റ്റ് പ്രചരിച്ചതിനെ തുടര്‍ന്ന് ശ്രീനിവാസന്‍ വിശദീകരണവുമായി രംഗത്തെത്തിയിരുന്നു. തന്റെ വാക്കുകളെന്ന രീതിയില്‍ സോഷ്യല്‍ മീഡിയയില്‍ പ്രചരിക്കുന്നത് താന്‍ പറയാത്ത കാര്യങ്ങളാണെന്നായിരുന്നു ശ്രീനിവാസന്‍ അന്ന് പറഞ്ഞത്.

vineeth sreenivasan’s facebook post